អេហ្ស៊ីប: ក្រុមអ្នកវិភាគបញ្ជាក់ថា កម្ទេចកំទីទាំងនេះគឺទំនងជាគន្លឹះក្នុងការកំណត់នូវអ្វីដែលបានកើតឡើងចំពោះយន្តហោះដឹកអ្នកដំណើរអេហ្ស៊ីប ដែលបានធ្លាក់ចូលទៅក្នុងសមុទ្រមេឌីទែរ៉ាណេ។

រូបភាពជាច្រើនត្រូវបានគេបង្ហោះនៅលើបណ្ដាញព័ត៌មាន Online ដែលបានបង្ហាញកម្ទេចកំទីពីយន្តហោះ EgyptAir ដែលបានធ្លាក់ចូលក្នុងសមុទ្រមេឌីទែរ៉ាណេ កាលពីថ្ងៃព្រហស្បតិ៍ កន្លងទៅថ្មីៗនេះ។ រូបភាពទាំងនេះបង្ហាញពីបំណែកយន្តហោះ រួមបញ្ចូលទាំងអាវជីវិតរបស់កុមារ កៅអី និងវ៉ាលីដាក់ឥវ៉ាន់ ជាច្រើនទៀត។

រូបភាពនេះត្រូវបានបង្ហោះលើបណ្ដាញនៅលើបណ្តាញសង្គមហ្វេសប៊ុកដោយអ្នកនាំពាក្យកងទ័ពអេហ្ស៊ីប។ ក្រុមអ្នកវិភាគថា កម្ទេចកំទីនេះគឺទំនងជាគន្លឹះក្នុងការកំណត់នូវអ្វីដែលបានកើតឡើងចំពោះការហោះហើរនេះ៕

ចង់ដឹងថាតើកម្ទេចកំទីទាំងនេះ វាមានលក្ខណ:យ៉ាងណានោះ សូមទស្សនាខាងក្រោម