កូរ៉េខាងជើង: មុននេះបន្តិច គណ:ប្រតិភូដែលដឹកនាំដោយមន្ត្រីជាន់ខ្ពស់នៃសាធារណរដ្ឋប្រជាមានិតប្រជាធិបតេយ្យកូរ៉េ (កូរ៉េខាងជើង) បានបានចាកចេញពីក្រុងព្យុងយ៉ាងហើយ នៅថ្ងៃអង្គារទី៣១ ឧសភានេះ សម្រាប់ដំណើរទស្សនកិច្ចរយ:ពេលបីថ្ងៃទៅកាន់ប្រទេសចិន បន្ទាប់ពីបាញ់គ្រប់មីស៊ីលទទួលរងការបរាជ័យរបស់ខ្លួននៅព្រឹកមិញនេះ។

ដំណើរទស្សនកិច្ចទៅចិននោះ ដឹកនាំដោយលោក  Ri Su Yong ​ប្រធានគណ:ប្រតិភូជាសមាជិកការិយាល័យនយោបាយ​នៃគណ:កម្មាធិការ​កណ្តាលរបស់គណបក្សពលករ ដែលកំពុងកាន់អំណាចកូរ៉េមួយនេះ។ ហើយលោកជាអនុប្រធានគណ:កម្មាធិការកណ្តាលរបស់គណបក្ស​និងជានាយកនៃនាយកដ្ឋានអន្តរជាតិរបស់គណបក្សនេះផងដែរ។

លោក Ri Su Yong បានបម្រើការជារដ្ឋមន្រ្តីក្រសួងការបរទេសរបស់ប្រទេសនេះចាប់ពីខែមេសា ឆ្នាំ២០១៤ ដល់ខែឧសភា ឆ្នាំ២០១៦ មុនពេលដែលលោកត្រូវបានជាប់ឆ្នោតចូលទៅក្នុងការិយាល័យនយោបាយនៃគណបក្សនេះនៅក្នុងសមាជថ្នាក់ជាតិរបស់គណបក្ស៕