ព្រៃវែងៈ ករណីគ្រោះចរាចរណ៍បានកើតឡើងកាលពីវេលាម៉ោង២២និង៥០នាទីយប់ថ្ងៃទី២ ខែមិថុនា ឆ្នាំ២០១៦ នៅលើផ្លូវ312B ត្រង់ចំណុចផ្លូវកោង ស្ថិតក្នុងភូមិព្រៃពោន ឃុំព្រៃពោន ស្រុកកំពង់ត្របែក ខេត្តព្រៃវែង។

ជនរងគ្រោះឈ្មោះ ឌិន ស៊ីណាត ភេទ្រប្រុស អាយុ៣៥ឆ្នាំ មានទីលំនៅភូមិកណ្តាល ឃុំបឹងព្រះ ស្រុកបាភ្នំ ខេត្តព្រៃវែង បានជិះម៉ួតូម៉ាកC125 ស៊េរី២០១៦ ពណ៌ខ្មៅស្លាកលេខភ្នំពេញ1FP-9118 ចេញពីហូបការគេក្នុងទិដៅពីត្បូងទៅជើងដល់ចំណុចកើតហេតុខាងលើបានជ្រុលចង្កូតធ្លាកផ្លូវ ដួលធ្លាក់ចូលក្នុងប្រឡាយទឹកទាំងមនុស្ស និងម៉ូតូ បណ្តាលឲ្យស្លាប់នៅកន្លែង។

ក្រោយកើតហេតុសមត្ថកិច្ចមកដល់ពិនិត្យកោសល្យវិច័យឃើញថា ជនរងគ្រោះពិតជាដួលម៉ូតូដោយខ្លួនឯងពិតមែន សពត្រូវបានប្រគល់ជូនទៅក្រុមគ្រួសារសាច់ញាតិយកធ្វើបុណ្យតាមប្រពៃណី៕