ភ្នំពេញៈ ជនសង្ស័យ៣នាក់ត្រូវបានកម្លាំងអាវុធហត្ថខណ្ឌពោធិ៍សែនជ័យ ចាប់ឃាត់ខ្លួនយកទៅសួរនាំ បន្ទាប់ពីបែកធ្លាយរឿងទៅរកទិញថ្នាំញៀន បែរជាប៉ះចំមានតែថង់វេចខ្ចប់ទទេ ពុំមានថ្នាំញៀន លុះកម្លាំងអាវុធហត្ថ តាមស្រាវជ្រាវតាមមុខសញ្ញា សង្ស័យឃាត់បាន៣នាក់ ឆែករកមើលជាក់ស្តែងពុំមានថ្នាំឡើយ ជាថង់ទទេ ។ ហេតុការណ៍ នេះកើតឡើង កាលពីវេលាម៉ោង៣និង៣៥នាទីរសៀល ថ្ងៃទី០៣ ខែមិថុនា ឆ្នាំ២០១៣ ស្ថិតនៅ ក្បែរផ្សារកាណាឌីយ៉ា ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។

តាមសមត្ថកិច្ចបានឲ្យដឹងថា មុនឃាត់ខ្លួនជនសង្ស័យទាំង៣នាក់ខាងលើ បន្ទាប់ពីកម្លាំងល្បាតរបស់អាវុធហត្ថខណ្ឌពោធិ៍សែនជ័យ ចុះល្បាត និងតាមមុខសញ្ញា សង្ស័យ ឃាត់ខ្លួនមនុស្សទាំង៣ខាងលើ សង្ស័យចែកចាយគ្រឿងញៀន ហើយឃាត់ឆែកត្រួតពិនិត្យជាក់ស្តែងមានតែថង់វេចខ្ចប់ទទេពុំមានថ្នាំ។

តាមចម្លើយសារភាពពីជនសង្ស័យម្នាក់ប្រាប់ថា ខ្លួនពិតជាមកទិញថ្នាំញៀនពិតប្រាកដមែននៅទីតាំងខាងលើ ហុចលុយ ហុចថ្នាំ បែរជាប៉ះចំមានតែថង់ រុំជាដុំទទេទៅវិញ ។ ប្រភពដដែលបន្តទៀតថា ខ្លួនពិតជា ប្រើប្រាស់គ្រឿងញៀនពិតប្រាកដមែន ។

ទោះជាយ៉ាងណាក៏ដោយ ថ្វីបើសមត្ថកិច្ចចុះប្រតិបត្តិការបង្ក្រាបប៉ះចំជនសង្ស័យ ឆែករកមើលពុំមានថ្នាំក៏ពិតមែនតែមនុស្សទាំង៣នាក់ សុទ្ធតែប្រើប្រាស់គ្រឿងញៀន ។ ក្រោយពីឃាត់ខ្លួនបាន នាំទៅធ្វើការសាកសួរ ធ្វើសាវតាជាតិនៅផ្នែកជំនាញទីបញ្ជាការអាវុធក្រុងភ្នំពេញ ជាមុនសិន ដើម្បីស្រាវជ្រាវរកមុខសញ្ញាជួញដូរគ្រឿងញៀនបន្តទៀត៕