Post News Media ព័ត៌មានជាតិ កម្ពុជា នឹងធ្...

កម្ពុជា នឹងធ្វើជាម្ចាស់ផ្ទះ រៀបចំវេទិកាសេដ្ឋកិច្ចពិភពលោក នៅឆ្នាំ២០១៧

ភ្នំពេញ: កម្ពុជា ត្រូវបានជ្រើសរើសធ្វើជាម្ចាស់ផ្ទះ ដើម្បីរៀបចំវេទិកាសេដ្ឋកិច្ចពិភពលោក ស្ដីពីអាស៊ាន នៅឆ្នាំ២០១៧ បន្ទាប់ពីប្រទេសម៉ាឡេស៊ី។ វេទិកានេះ នឹងរៀបចំធ្វើឡើងនៅខែឧសភា ឆ្នាំ២០១៧ខាងមុខ។ នេះបើបានតាមការឲ្យដឹងពីហ្វេសប៊ុករបស់ក្រសួងសាធារណការ ចេញផ្សាយនៅមុននេះប៉ុន្មាននាទី។

ហ្វេសប៊ុកក្រសួងសាធារណការ បានឲ្យដឹងថា កាលពីថ្ងៃទី២ ខែមិថុនា ឆ្នាំ២០១៦ លោកទេសរដ្ឋមន្ត្រី ស៊ុន ចាន់ថុល បានអញ្ជើញចូលរួមពិធីប្រគល់-ទទួលការធ្វើជាម្ចាស់ផ្ទះ ដើម្បីរៀបចំវេទិកាសេដ្ឋកិច្ចពិភពលោក ស្តីពីអាស៊ាន ពីប្រទេសម៉ាឡេស៊ី មកឲ្យកម្ពុជា ដែលវេទិកានេះ នឹងរៀបចំឡើងនៅកម្ពុជា នាខែឧសភា ឆ្នាំ២០១៧ខាងមុខ។

វេទិកាសេដ្ឋកិច្ចពិភពលោក ស្តីពីអាស៊ាន នឹងនាំមកជូនកម្ពុជា នូវមេដឹកនាំនយោបាយ ពាណិជ្ជកម្ម សង្គមស៊ីវិល និងផ្នែកសិក្សាធិការបញ្ញាវ័ន្ត សរុបប្រមាណ៧០០នាក់។ នេះ គឺជាកិត្តិយសដ៏ធំធេងសម្រាប់កម្ពុជា ក្នុងការធ្វើជាម្ចាស់ផ្ទះរៀបចំកិច្ចប្រជុំកំពូល ប្រកបដោយកិត្យានុភាពមួយនេះ។

ក្នុងឱកាសនេះដែរ លោកទេសរដ្ឋមន្ត្រី ស៊ុន ចាន់ថុល ត្រូវបានសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តែងតាំងជាប្រធានគណ:កម្មការ រៀបចំវេទិកាដ៏មានសារ:សំខាន់លំដាប់ថ្នាក់ពិភពលោកមួយនេះ៕

13346965_529921077192237_4019242005067399563_n

13321667_529919650525713_830007601895614458_n

13321985_529919637192381_860235183459438055_n

13323730_529919073859104_4522415536485590453_o

13325463_529919080525770_2244691665055915469_n

13327655_529919017192443_1894608841335770334_n

13327655_529919337192411_4507247766452576827_n

13335910_529921177192227_5370706310913196830_n

13336057_529919180525760_3376618120584333496_n

13339488_529919267192418_6307101444118101380_n

Loading...