ព័ត៌មានអន្តរជាតិ ព្រឹត្តិការណ៍ សំខាន់ៗ

AirAsia និងអាជ្ញាធរម៉ាឡេស៊ី កំពុងមានជម្លោះលើការប្តូរឈ្មោះស្ថានីយព្រលានយន្តហោះថ្មី

ម៉ាឡេស៊ី: ប្រព័ន្ធផ្សព្វផ្សាយក្នុងស្រុករាយការណ៍បានឲ្យថ្ងៃពុធនេះថា AirAsia ដែលជាក្រុមហ៊ុនអាកាសចរណ៍ឈាន មុខគេក្នុងតំបន់អាស៊ីអាគ្នេយ៍ គឺកំពុងតែជម្លោះជាមួយអាជ្ញាធរម៉ាឡេស៊ី ទៅលើការប្តូរឈ្មោះស្ថានីយព្រលានយន្តហោះធំរបស់ខ្លួន នៅក្នុងប្រទេសនេះ។ នេះបើយោងតាមការចេញផ្សាយដោយទីភ្នាក់ងារសារព័ត៌មានចិនស៊ិនហួ នៅថ្ងៃ២២ មិថុនានេះ។

ក្រុមហ៊ុន AirAsia បានប្រកាសថា ស្ថានីយព្រលានយន្តហោះអន្តរជាតិទីពីរនៅក្រុងគូឡាឡាំពួ (KLIA2) ដែលជាកន្លែងធ្វើប្រតិបត្តិការភាគច្រើន បំផុតនៃការហោះហើររបស់ខ្លួននឹងត្រូវបានប្តូរឈ្មោះទៅជាក្រុមហ៊ុនអាកាសចរណ៍តម្លៃទាបស្ថានីយទីពីរ (LCCT2), នៅក្នុងការផ្សព្វផ្សាយពាណិជ្ជ កម្មគេហទំព័ររបស់ខ្លួន ដើម្បីផ្តល់សេវាកម្មលក់សំបុត្រ និងការផ្តល់សេវាតាក់ស៊ី។

ទោះយ៉ាងណា អាជ្ញាធរព្រលានយន្តហោះរបស់ប្រទេសម៉ាឡេស៊ី MAHB បានឆ្លើយតបថា ការប្តូរឈ្មោះស្ថានីយដោយឯកតោភាគីរបស់ក្រុមហ៊ុន AirAsia បានរំលោភលើច្បាប់អាកាសចរណ៍ផងដែរ។

AirAsia និង MAHB បានភ្ជាប់ទំនាក់ទំនងជាយូរមកហើយទៅលើស្ថានីយព្រលានយន្តហោះគូឡាឡាំពួរ ដែលជាផ្លូវចូលសំខាន់ដល់ប្រទេសនេះ។ ដោយសារតែបញ្ហាថវិកា ទើបធ្វើឲ្យក្រុមហ៊ុនអាកាសចរណ៍មួយនេះ ត្រូវបានបង្ខំចិត្តប្តូរទៅស្ថានីយថ្មី គឺទៅជាស្ថានីយក្រុមហ៊ុនអាកាសចរណ៍តម្លៃទាបរបស់ខ្លួន ក្នុងឆ្នាំ២០១៤។

នាយកប្រតិបត្តិក្រុមហ៊ុន AirAsia លោកស្រី Aireen Omar បានត្អូញត្អែរថា​កំណើនក្រុមហ៊ុនអាកាសចរណ៍នេះបានថមថយចុះ បានចាប់តាំងពី​ត្រូវបានរំខានដោយសាររចនាសម្ព័ន្ធនិងប្រព័ន្ធពិនិត្យមើលនៅក្នុងចំណតនេះ ដែលមិនអាចដោះស្រាយបរិមាណទំហំធំរបស់អ្នកដំណើរ។

លោកស្រីបានរៀបរាប់ពីស្ថានីយថ្មីនេះថា វាហួសពីការជួសជុល សម្រាប់ការកសាងគុណភាពរបស់ខ្លួន ដែលមានតម្លៃដើម្បីរក្សាប្រតិបត្តិការរបស់​ក្រុមហ៊ុន AirAsia ៕

Air Asia X A330 landing SYD(3)

មតិយោបល់