ផ្ទះ ព័ត៌មានអន្តរជាតិ Update: នៅទីប...

Update: នៅទីបំផុត រកឃើញមូលហេតុពិតរបស់យន្តហោះអេហ្ស៊ីប គឺមានផ្សែងចេញពីបង្គន់មុនធ្លាក់ចូលសមុទ្រ

0

អេហ្ស៊ីប: នៅទីបំផុត គណ:កម្មាធិការស៊ើបអង្កេតរបស់យន្តហោះអេហ្ស៊ីប បានរកឃើញមូលហេតុពិតថា ក្រុមអ្នកស៊ើប​អង្កេតបាន​ដកស្រង់ទិន្នន័យថតសម្លេងចេញពីប្រអប់ខ្មៅប្រកបដោយជោគជ័យរបស់ជើងហោះហើរអេហ្ស៊ីប EgyptAir MS804 គឺយន្តហោះអេហ្សីប​នេះ​ពិតជាមានផ្សែងចេញពីបង្គន់មែន មុនវាបានធ្លាក់ចូលសមុទ្រ កាលពីខែមុន។ នេះបើយោងតាមការចេញផ្សាយនៅមុននេះបន្តិចដោយ BBC នៅព្រឹកថ្ងៃទី៣០ មិថុនា ឆ្នាំ២០១៦នេះ។

ក្រុមអ្នកស៊ើបអង្កេតអេហ្ស៊ីបបាននិយាយថា ឧបករណ៍ថតសម្លេងទិន្នន័យហោះហើររបស់យន្តហោះ EgyptAir MS804 ដែលបានធ្លាក់ចូលទៅក្នុង​សមុទ្រមេឌីទែរ៉ាណេ ត្រូវបានគេជួសជុលដោយជោគជ័យវិញហើយ បន្ទាប់ពីវាត្រូវទឹកសមុទ្រជ្រាបចូល។ ដំណើរការជួសជុលនេះ ត្រូវបានធ្វើឡើង​នៅ​មន្ទីរពិសោធន៍នៃការិយាល័យ​យន្ត​ហោះស៊ើបអង្កេតបារាំង ជាកន្លែងដែលការធ្វើតេស្តភាពត្រឹមត្រូវសម្រាប់ជើងហោះហើរមួយនេះ ត្រូវបានអនុវត្ត​ដើម្បីធ្វើឱ្យប្រាកដថា​ឯកសារទិន្នន័យ​យន្តហោះ​គឺនៅតែថតសម្លេងជាប់ដដែល ពោលគឺមិនមានការខូចខាតឬបាត់បង់ឡើយ។

ដោយឡែក ដំណើរការជួសជុលនេះត្រូវបានធ្វើឡើងដោយអ្នកជំនាញមកពីការិយាល័យស៊ើបអង្កេតនេះ ត្រូវបានធ្វើជាសាក្សីតាមរយ:គណ:កម្មាធិ​ការ​ស៊ើបអង្កេតបន្ទាន់ បន្ទាប់ពីបញ្ជូនប្រអប់ខ្មៅរបស់ខ្លួនបានទៅដល់ទីក្រុងប៉ារីសផងដែរ។ អ្នកស្រាវជ្រាវបាននិយាយថា ការជួសជុលសំលេង​កាប៊ីន​យន្តហោះបានចាប់ផ្តើមអស់រយ:ពេលជាច្រើនម៉ោង។

សូមបញ្ជាក់ថា យន្តហោះ EgyptAir MS804 បានធ្លាក់ចូលទៅក្នុងសមុទ្រមេឌីទែរ៉ាណេ កាលពីថ្ងៃទី១៩ ខែឧសភា នៅពេលចាកចេញពី​ទីក្រុងប៉ារីស ទៅកាន់ទីក្រុងគែរ ដែលបានសំលាប់មនុស្សទាំងអស់ ៦៦នាក់៕

140717-ntsb-black-box-310p_e25b92cf186dfb5794b9e8716287d983.nbcnews-ux-2880-1000

Loading...