ឥណ្ឌា: ឥណ្ឌាទើបតែបានផលិតយន្តហោះចម្បាំងប្រភេទថ្មីជាលើកដំបូងរបស់ខ្លួន ដែលមានឈ្មោះថា Tejas ហើយវាត្រូវបានគេបញ្ជូនទៅឲ្យកងទ័ពអាកាសរបស់ប្រទេសនេះ អស់រយៈពេល ៣១ឆ្នាំហើយ បន្ទាប់ពីវាត្រូវបានបង្កើតឡើងជាលើកដំបូងផងដែរ។ នេះបើយោងតាមការចេញផ្សាយដោយ BBC នាថ្ងៃទី០១ កក្កដា ឆ្នាំ២០១៦នេះ។
យន្តហោះចម្បាំងនេះវាមានឈ្មោះ Tejas ដែលបានផលិតក្រុមហ៊ុនអាកាសចរណ៍ Hindustan Aeronautics Ltd (HAL) ត្រូវបានគេរំពឹងថា នឹងជំនួសកងនាវាដែលមានវ័យចំណាស់នៃយន្តហោះចម្បាំងប្រភេទ MIG-21s របស់រុស្ស៊ី។ ក្រុមហ៊ុននេះបានប្រគល់យន្ដហោះពីរគ្រឿងនេះទៅឱ្យកម្លាំងអាកាសនៅថ្ងៃសុក្រនេះ។
វាមិនមែនជាយន្តហោះចម្បាំងឥណ្ឌាដែលបានផលិតជាលើកដំបូងនោះទេ តែវាជាយន្តហោះប្រភេទ HF-24 Marut ដែលត្រូវបានសាងសង់ឡើងផងដែរ ដោយក្រុមហ៊ុន HAL បានកាលពីឆ្នាំ១៩៦១។
យន្តហោះចម្បាំង Tejas នេះត្រូវបានរចនានិងផលិតឡើងនៅក្នុងប្រទេសឥណ្ឌាដោយផ្ទាល់ ទោះបីជាបច្ចេកវិទ្យាមួយចំនួនដូចជាម៉ាស៊ីននិងប្រព័ន្ធរ៉ាដារបស់ខ្លួនត្រូវបាននាំចូលមកពីក្រៅប្រទេសក៏ដោយ។ វាត្រូវបានគេប្រកាសថា វាអាចមានសមត្ថភាពហោះហើរក្នុងឆ្នាំ២០១១។
ទីភ្នាក់ងារសារព័ត៌មាន PTI បានរាយការណ៍ថាយន្តហោះទាំងពីរគ្រឿងនេះនឹងជាផ្នែកមួយនៃយន្តហោះដែលមានឈ្មោះថា Flying Daggers’ 45។
បើតាមរបាយការណ៍បានបន្ថែមថា កងទ័ពអាកាសមានគោលបំណងដំបូងដើម្បីបញ្ជូនយន្តហោះ Tejas សរុបចំនួន ៦គ្រឿង នៅក្នុងឆ្នាំនេះ និងចំនួន ៨គ្រឿងទៀតនៅក្នុងឆ្នាំក្រោយ។ Tejas នេះត្រូវបានជម្រុញឲ្យទិញពីក្រុមមន្រ្តីការពារជាតិឥណ្ឌាដែលវាជាមានទំងន់ស្រាល និងម៉ាស៊ីនតូចជាងគេបំផុត វាក៏ជាប្រភេទយន្តហោះប្រយុទ្ធនៅលើពិភពលោកផងដែរ។
ចម្បាំងនេះ អាចប្រតិបត្តិការហោះទៅលើអាកាសស្របទៅតាមលំនឹងខ្យល់ ហើយវាអាចហោះទៅលើផ្ទៃអាវុធ ដោយវាត្រូវបានពន្យារពេលយូរនៅលើដែនអាកាសទៅតាមបច្ចេកវិទ្យា។
សូមបញ្ជាក់ថា សហរដ្ឋអាមេរិកបានដាក់ទណ្ឌកម្មទៅលើប្រទេសឥណ្ឌា បន្ទាប់ពីឥណ្ឌាបានបន្តការធ្វើតេស្តនុយក្លេអ៊ែរនៅក្នុងឆ្នាំ១៩៩៨ ដែលបានជាប់គាំងក្នុងផលិតយន្តហោះចម្បាំងមកទល់សព្វថ្ងៃនេះ ទើបឥណ្ឌាអាចមានលទ្ធភាពរចនាយន្តហោះចម្បាំងប្រភេទថ្មី Tejas៕
មតិយោបល់