ចិន: ប្រទេសចិនបានប្រកាសថា ប្រសិនបើការគំរាមកំហែងពិតប្រាកដមែននោះ រដ្ឋាភិបាលទីក្រុងប៉េកាំងអាចបង្កើតតំបន់សម្គាល់អត្តសញ្ញាណការពារដែនអាកាស លើសមុទ្រចិនខាងត្បូង។ នេះបើយោងតាមការចេញផ្សាយដោយសារព័ត៌មានចិន ស៊ិនហួ នៅថ្ងៃទី១៣ កក្កដា ឆ្នាំ២០១៦នេះ។

សូមបញ្ជាក់ថា កាលពីថ្ងៃអង្គារ ទី១២ ខែកក្កដា ឆ្នាំ២០១៦ម្សិលមិញនេះ បន្ទាប់ពីតុលាការអាជ្ញាកណ្តាលដែលមានមូលដ្ឋាននៅទីក្រុងឡាអេ បានចេញសេចក្តីសម្រេចកាត់ក្តីឲ្យប្រទេសហ្វីលីពីន ឈ្នះក្តីរឿងសមុទ្រចិនខាងត្បូង ដែលហេតុធ្វើឲ្យរដ្ឋាភិបាលក្រុងប៉េកាំងមិនទទួលស្គាល់នូវពានរង្វាន់បែបនេះ៕