ហ្វីលីពីន: ប្រធានាធិបតីហ្វីលីពីនលោក Rodrigo Duterte បានឱ្យដឹងនៅថ្ងៃព្រហស្បតិ៍នេះថា លោកបានស្នើសុំឱ្យអតីតប្រធានាធិបតីលោក Fidel Ramos ដើម្បីជួយចរចាជាមួយចិនលើជម្លោះក្នុងសមុទ្រចិនខាងត្បូង។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅយប់ថ្ងៃទី១៤ កក្កដា ឆ្នាំ២០១៦នេះ។

លោកប្រធានាធិបតីហ្វីលីពីនរូបនេះថា សង្រ្គាមគឺមិនមែនជាជម្រើសមួយល្អទេ ហើយគាត់ចង់បន្តដំណោះស្រាយដោយ​សន្តិ​វិធីអំពីជម្លោះដែនសមុទ្រជាមួយចិន ដូចជាការចរចាទ្វេភាគី។

លោកនឹងនៅតែពិគ្រោះអំពីបញ្ហាខាលើងនេះ ជាមួយលោក Ramos ហើយនៅទីបំផុត​លោកបានស្នើសុំឲ្យគាត់ទៅកាន់​ប្រទេស​ចិន ដើម្បីចាប់ផ្តើមកិច្ចពិភាក្សានេះ។

សេចក្តីប្រកាសនេះ បានកើតឡើងបន្ទាប់ពីសាលាក្តីអាជ្ញាកណ្តាលនៅទីក្រុងឡាអេ កាលពីថ្ងៃអង្គារ បានចេញរង្វាន់អាជ្ញា​កណ្តាល​មួយ​នៅលើករណីឯកតោភាគីដោយប្រទេសហ្វីលីពីន ផ្តួចផ្តើមប្រឆាំងនឹងប្រទេសចិនទាក់ទងនឹងជម្លោះរបស់ពួកគេ​នៅក្នុងសមុទ្រចិនខាងត្បូង។

ក្រសួងការបរទេសចិនបាននិយាយថា ខ្លួននឹងមិនទទួលយកការស្នើសុំឬសកម្មភាពណាមួយ ដែលមានមូលដ្ឋានលើពាន​រង្វាន់​នេះ។ ហើយចិនបានច្រានចោលសេចក្តីសម្រេចរបស់តុលាការនេះ ដោយបានចាត់ទុកជាមោឃៈឬមិនទទួលស្គាល់។

ប្រទេសចិនបានចង្អុលបង្ហាញថា កោះសមុទ្រចិនខាងត្បូង ជាទឹកដីរបស់ខ្លួន ចាប់តាំងពីសម័យបុរាណមកម្ល៉េះ​នៅក្នុងប្រវត្តិ​សាស្ត្រ​របស់ខ្លួន។

នៅព្រឹកថ្ងៃនេះ លោក Duterte ត្រូវបានរាយការណ៍ថាត្រៀមខ្លួនជាស្រេចដើម្បីចាប់ផ្តើមការចរចាផ្ទាល់ជាមួយប្រទេសចិន ស្តីពីជម្លោះសមុទ្រចិនខាងត្បូង។

លោកប្រធានាធិបតីបាននិយាយថា ប្រទេសនេះគួរតែជៀសវាងការ តិះដៀលនិងការអួតអំពីការសម្រេចចិត្ត ប្រសិនបើវាមាន​លក្ខណៈអំណោយផលចំពោះប្រទេសហ្វីលីពីន៕