ឥណ្ឌាៈ ការបាត់ខ្លួនយ៉ាងអាថ៌កំបាំងរបស់សត្វខ្លាដ៏ល្បីនៅឥណ្ឌា ឈ្មោះ Jai ដែលមានអ្នកគ្រាំទ្ររាប់លាន នាក់ដូចតារាល្បីនោះ បានធ្វើឲ្យមនុស្សជាច្រើន កំពុងព្រួយបារម្មណ៌ពីជីវិតរបស់វា ខណៈដែលប្រតិបត្តិការ រុករកយ៉ាងសម្បើម នៅតែពុំទាន់បានដំណឹងពីវាទ្បើយ។ នេះបើយោងតាមរយៈ សារព័តមានបរទេស ចុះផ្សាយនៅថ្ងៃទី១ ខែសីហា ឆ្នាំ២០១៦។

សត្វខ្លានេះ មានទម្ងន់ ២៥០ គីទ្បូក្រាម វាបានបាត់ខ្លួនចេញពីតំបន់អភិរក្សសត្វ ខាហានដ្លា កាលពីថ្ងៃទី ១៨ ខែមេសា។

លោក M.S Reddy អ្នកជំនាញផ្នែកអភិរក្សសត្វខ្លា បានត្អូញថា «គ្មាតម្រុយអ្វីសោះ ពី Jai ទេ មិនដឹងថាវា ចូលព្រៃ ឬទៅតាមមេថ្មីរបស់វាទេ»។

គួរបញ្ជាក់ដែរថា រដ្ឋាភិបាល បានប្រកាសផ្ដល់ប្រាក់រង្វាន់ ៥ម៉ឺនរូពី ស្មើរនឹង ៧៤៥ ដុល្លារ ដល់អ្នកដែលបានរកឃើញវា (Jai) ខណៈដែលក្រុមសាសនានាំគ្នាបែរបន់សុំឲ្យវា បង្ហាញខ្លួន៕