នេប៉ាល់: ប្រធានបក្សកុម្មុយនីស្តនេប៉ាល់ (មជ្ឈមណ្ឌលម៉ៅនិយម) លោក Pushpa Kamal Dahal ត្រូវបានគេជ្រើសតាំងជានាយករដ្ឋមន្ដ្រីថ្មីទី៣៩ របស់ប្រទេសនេប៉ាល់​ នៅថ្ងៃពុធនេះ។ នេះបើយោងតាមការចេញផ្សាយដោយសារព័ត៌មានចិនស៊ិនហួ នៅយប់ថ្ងៃ​ទី០៣ សីហា ឆ្នាំ២០១៦នេះ។

សភារបស់ប្រទេសនេប៉ាល់បានបោះឆ្នោតជ្រើសរើសលោក Dahal បានជាប្រមុខរដ្ឋាភិបាលជិត​ពីរ​សប្តាហ៍ បន្ទាប់ពីលោកនាយករដ្ឋមន្ត្រី K.P Sharma បានលាឈប់ពីរបស់គាត់។ សម្លេងឆ្នោតភាគ​ច្រើន​បានធានាលោក Dahal ខណៈដែលលោកត្រូវបានគាំទ្រដោយគណបក្សធំជាងគេនៅក្នុងសភានេប៉ាល់។

នេះជាលើកទីពីរហើយដែលលោក Dahal បានក្លាយជានាយករដ្ឋមន្រ្តីចាប់តាំងពីគាត់ បានចូលរួមជា​មួយ​គណបក្សនយោបាយម៉ៅនិយមនៅឆ្នាំ២០០៧ បន្ទាប់ពីការចុះហត្ថលេខាលើកិច្ចព្រមព្រៀងសន្តិភាព ជាមួយ​រដ្ឋាភិបាល ក្រោយជម្លោះប្រដាប់អាវុធដែលបានបញ្ចប់ជាង ១០ឆ្នាំ ដែលបានចាប់ផ្តើមតាំងពី​ឆ្នាំ១៩៩៦​ មក​ម្ល៉េះ​៕