បាវិតៈ មានករណីគ្រោះថ្នាក់ចរាចរណ៏ មួយគួឲ្យរន្ធត់ ដោយសារ រថយន្តដឹកកម្មករ ម៉ាកកូរ៉េហ៊ីយ៉ាន់ដាយ ធ្វើដំណើរស្របទីសគ្នា ត្រូវរថយន្ត ហ៊ីយ៉ាន់ដាយដូចគ្នា បុកគូទពេញទំហ៊ឹង បណ្តាលឲ្យកម្មករ កម្មការនី រងបួសធ្ងន់និងស្រាល១២នាក់ ត្រូវបានសមត្ថកិច្ច ចុះអន្តរាគមន៍ដឹក យកទៅសង្គ្រោះ នៅមន្ទីរពេទ្យជីភូ និងមន្ទីរពេទ្យខេត្ត។

ករណីនេះនៅថ្ងៃទី៨ ខែសីហា ឆ្នាំ២០១៦ វេលាម៉ោង៦និង ៣០នាទីល្ងាច នៅតំបន់សេដ្ឋកិច្ចពិសេស សានតុង ក្រុងបាវិត ស្ថិតនៅក្នុងភូមិ ថ្នល់ជាតិ សង្កាត់ព្រៃអង្គុញ ក្រុងបាវិត។

បើសមត្ថកិច្ច បានឲ្យដឹងថា នៅមុនពេលកើតហេតុការគ្រោះថ្នាក់ ដ៏អាក្រក់នេះទ្បើងមានរថយន្ត ជាច្រើនគ្រឿង បើកបន្តកន្ទុយគ្នា ស្រាប់តែមានរថយន្តដឹកកម្មករម៉ាកហ៊ីយ៉ាន់ដាយមួយគ្រឿង បានបុកគូទរថយន្តតូរីស របួសធ្ងន់៤នាក់ បញ្ជូនមកមន្ទីរពេទ្យខេត្ត និង៨នាក់ស្រាល សម្រាកនៅមន្ទីរពេទ្យបង្អែកជីភូ ហើយក្នុងចំណោម អ្នករងរបួសធ្ងន់ ទាំង៤នាក់ ក៏មានស្ត្រីមានផ្ទៃពោះម្នាក់ផងដែរ។ ភ្លាមៗ លោក តូច ប៉ូលីវ៉ា អភិបាលរងខេត្ត ចុះទៅមន្ទីរពេទ្យទាំង២ ដើម្បីសួរសុខទុក្ខប្អូនៗ កម្មកររងគ្រោះទាំងអស់ ៕