ព្រះសីហនុ: រថយន្តសណ្តោងកុងតឺន័រ មួយគ្រឿងត្រូវបានគេរាយការណ៍ថា បានក្រទ្បាប់ នៅមុខរោងចក្រស្រាបៀរអង្គរ សិ្ថតក្នុងភូមិឃ្លាំលើ សង្កាត់លេខ១ ក្រុង-ខេត្តព្រះសីហនុ។

ប្រជាពលរដ្ឋបានប្រាប់មកថា ម៉ោងជាង៣រសៀល ថ្ងៃទី២១ ខែមេសា ឆ្នាំ២០១៦នេះ មានករណីគ្រោះថ្នាក់ចរាចរណ៍បានកើតទ្បើង បង្កដោយរថយន្តសណ្តោងកុងតឺន័រមួយគ្រឿងបានក្រទ្បាប់ដោយខ្លួនឯង ប៉ុន្តែគេមិនទាន់ដឹងពីមូលហេតុ ហើយក៍មិនបណ្តាលឲ្យមានមនុស្សរងគ្រោះថ្នាក់នោះដែរ។

ហើយបច្ចុប្បន្នសមត្ថកិច្ចកំពុងសំរួលចរាចរណ៍ដោយមិនមានកាស្ទះចរាចរណ៍នោះទេ ហើយម្ចាស់រថយន្តកំពុងតែស្ទូចរថយន្តចេញផងដែរ។

ចំណែកមូលហេតុនៃការក្រឡាប់រថយន្តនេះសមត្ថកិច្ច ព្យាមយាមបំភ្លឺពីតៃកុងរថយន្តដែរ៕