Post News Media ព័ត៌មានអន្តរជាតិ UN ជំរុញស៊ូដង...

UN ជំរុញស៊ូដង់ បន្តការចរចាគ្នា បន្ទាប់ពីការបរាជ័យក្នុងការចរចាសន្តិភាព

យូអិន: អគ្គលេខាធិការអង្គការសហប្រជាជាតិលោក បានគីមូន កាលពីថ្ងៃពុធ បាន​ជំរុញឱ្យគ្រប់ភាគីទាំងអស់នៅក្នុងប្រទេសស៊ូដង់ ដើម្បីបន្តការចរចាគ្នា បន្ទាប់ពីពួកគេបានបរាជ័យ​ក្នុង​ការ​ឈាន​ដល់កិច្ចព្រមព្រៀង ស្តីពីបទឈប់បាញ់គ្នា។ នេះបើយោងតាមការចេញផ្សាយដោយ​សារព័ត៌មានចិន​ស៊ិនហួ នៅថ្ងៃទី១៨ សីហា ឆ្នាំ២០១៦។

កាលពីថ្ងៃទី៩-១៤ សីហានេះ រដ្ឋាភិបាលស៊ូដង់ ទាំងក្រុមប្រដាប់អាវុធនិងគណបក្សប្រឆាំងបានបើកកិច្ច​ប្រជុំតុមូលចុងក្រោយបំផុតនៃការចរចា ស្តីពីការរៀបចំបទឈប់បាញ់គ្នានៅក្នុងតំបន់ជម្លោះ South Kordofan, Blue Nile និង Darfur ប៉ុន្តែបានបញ្ចប់ដោយបរាជ័យទៅវិញ។

លោកគីមូន បានជំរុញឱ្យគណបក្សនយោបាយទាំងអស់បន្តការចរចាគ្នា ហើយជៀសវាងពី​ការប៉ុនប៉ង​បង្ក​ជម្លោះឲ្យកាន់តែខ្លាំងឡើងនៅក្នុងតំបន់ទាំងនោះ។

សូមជម្រាបថា ជម្លោះនៅតំបន់ Darfur បានចាប់ផ្តើមតាំងពីក្នុងឆ្នាំ២០០៣ និងការប្រយុទ្ធគ្នារវាងក្រុមកង​ទ័ព​និងគណបក្សប្រឆាំងនៅភាគខាងត្បូងតំបន់ South Kordofan និង Blue Nile បាននឹងកំពុងបន្ត​ចាប់​​តាំងពីឆ្នាំ២០១១។ ហើយជម្លោះទាំងនេះ បានបណ្តាលឲ្យមនុស្សជិត ៦លាននាក់នៅក្នុងប្រទេស​ស៊ូដង់ ត្រូវការជំនួយមនុស្សធម៍ជាចាំបាច់បំផុត៕

01-09-ocha-s-sudan