វៀតណាមៈ ក្រសួងកសិកម្ម និងអភិវឌ្ឍន៍ជនបទ បានឲ្យដឹងថា គ្រោះមហន្ដរាយធម្មជាតិ ពិសេសព្យុះបីនៅចន្លោះខែមករា និងខែសីហា នៅក្នុងប្រទេសវៀតណាម បានបណ្ដាលឲ្យមនុស្ស ៩០ នាក់ស្លាប់ និងបាត់ខ្លួន ព្រមទាំង ២២៣ នាក់ផ្សេងទៀតរងរបួស។ នេះបើយោងតាមរយៈ សារព័ត៌មានចិនស៊ិនហួ ចេញផ្សាយនៅថ្ងៃទី១ ខែសីហា ឆ្នាំ២០១៦។

គ្រោះមហន្តរាយនេះ បានបំផ្លាញផ្ទះពលរដ្ឋជាង ១.៦០០ ខ្នង និង ៨១.៨០០ ខ្នងទៀតរងការខូចខាត ខណៈដែលផ្ទៃដីដាំស្រូវ ២០០.៣០០ ហិកតា និងដំណាំ ៤៩.៧០០ ហិកតាផ្សេងទៀត ព្រមទាំងស្រះចិញ្ចឹមជលផល ១៨.៨០០ ហិកតារងការខូចខាត។

គួរបញ្ជាក់ដែរថា នៅអំទ្បុងរយៈប្រាំបីខែដំបូងក្នុងឆ្នាំនេះ ២៤៣.៥០០ គ្រួសារដែលមានមនុស្សជាង ១ លាននាក់ បានទទួលរងពីការអត់ឃ្លានអាហារ ដែលតួលេខមានកើនឡើង ១៤ ភាគរយធៀបក្នុងរយៈពេល ដូចគ្នា បើធៀបទៅនឹងឆ្នាំមុន៕