Post News Media ព័ត៌មានអន្តរជាតិ ប្រធានាធិបតីហ...

ប្រធានាធិបតីហ្វីលីពីន៖ អ្នកប្រើប្រាស់គ្រឿងញៀន មិនមែនជាមនុស្សទេ

ហ្វីលីពីន: ប្រធានាធិបតីហ្វីលីពីន លោក Rodrigo Duterte ដែលកំពុងធ្វើសង្គ្រាមបង្ហូរឈាមមួយ លើឧក្រិដ្ឋកម្មសម្លាប់អ្នកប្រើប្រាស់គ្រឿងញៀនទ្រង់ទ្រាយធំ ដោយបានចាត់ទុកថា ជនរងគ្រោះទាំងនោះ (អ្នកញៀនថ្នាំ) មិនមែនជាមនុស្សទេ។ នេះបើយោងតាមការចេញផ្សាយដោយសារព័ត៌មាន Channel News Asia នៅថ្ងៃទី២៩ សីហា ឆ្នាំ២០១៦។

បើយោងតាមអត្ថបទនៃសុន្ទរកថា របស់លោកដែលបានថ្លែងប្រាប់ទាហាន ខណ:ពេលដែលមកសួរសុខទុក្ខ នៅឯជំរុំកងទ័ព បានចេញផ្សាយឲ្យដឹងថា «តើវាជាឧក្រិដ្ឋកម្មប្រឆាំងនឹងមនុស្សជាតិ? នេះជាសំណួរដំបូង ដែលខ្ញុំចង់សួរទៅកាន់អ្នកដោយភាពស្មោះត្រង់: តើពួកអ្នកញៀនថ្នាំទាំងនោះ គឺជាមនុស្សឬ?»។

លោកបានបន្ថែមថា «តើអ្វីទៅជាសិទិ្ធមនុស្ស? ប្រើវាឱ្យបានត្រឹមត្រូវនៅក្នុងបរិបទដែលត្រឹមត្រូវ ប្រសិនបើអ្នកមានខួរក្បាល។ អ្នកមិនអាចច្បាំង ដោយគ្មានការសម្លាប់មនុស្សទេ ដូចនេះអ្នកប្រើប្រាស់ ថ្នាំញៀនជាច្រើននាក់ បើចង់ឲ្យពួកគេល្អប្រសើរឡើងវិញ និងអ្នកដទៃទៀតឈប់ វាជៀសមិនផុតទេ ពីការអនុវត្តបែបនោះ»៕

កាលពីដើមសប្តាហ៍នេះ លោកអគ្គមេបញ្ជាការនគរបាលជាតិ Dela Rosa បានប្រាប់សមាជិកព្រឹទ្ធសភាថា មានមនុស្សប្រមាណជាង ៧៥០នាក់ ត្រូវបានសម្លាប់ដោយប៉ូលិស នៅក្នុងប្រតិបត្ដិការប្រឆាំង គ្រឿងញៀនទ្រង់ទ្រាយធំ ខណ:ដែលមានតួលេខក្រៅផ្លូវការថា មានមនុស្សជាងមួយពាន់នាក់ ត្រូវបានស្លាប់ពាក់ព័ន្ធនឹងគ្រឿងញៀន ចាប់តាំងពីលោក Duterte ឡើងកាន់តំណែងជាប្រធានាធិបតី៕

Drug users aren't human, says Philippines' Duterte

Loading...