ភ្នំពេញៈ ហេតុការណ៍បោកគ្រាប់បែកនៅទឹកដីខណ្ឌចំការមន កាលពីវេលាម៉ោងជិត ៨យប់ ថ្ងៃអង្គារ ទី០៦ ខែកញ្ញានេះ បណ្តាលឲ្យមនុស្សចំនួន ០៤នាក់របួស ហើយក៏ត្រូវបានបញ្ជូនទៅកាន់មន្ទីរពេទ្យភ្លាមៗផងដែរ។

ហេតុការណ៍នេះ បានកើតឡើងនៅផ្លូវ១៦៣ សង្កាត់បឹងកេងកង៣ ខណ្ឌចំការមន។ បើតាមសាក្សីបាននិយាយថា គេបានឃើញជនសង្ស័យជាបុរសពីរនាក់ ជិះម៉ូតូមួយគ្រឿងតាមបណ្តោយផ្លូវលេខ ១៦៣ បានគប់គ្រាប់បែកចូលក្រោមរថយន្តម៉ាកលុចស៊ីស ដែលកំពុងបើកបណ្តាលរថយន្តខូចខាតបែកកញ្ចប់ និងបែកកង់ ជាងនេះទៅទៀត ក៏បានបណ្តាលរបួសមនុស្សចំនួន ០៤នាក់ផងដែរ ក្នុងនោះមានជនបរទេស០២នាក់ ផងដែរ ខណៈជនរងគ្រោះទាំងនោះនៅក្បែរកន្លែងកើតហេតុ។

រហូតមកដល់ពេលនេះ គេមិនទាន់សន្និដ្ឋានបានថា តើហេតុការណ៍បែកគ្រាប់បែកនេះ កើតចេញពីរឿងគំនុំ ឬយ៉ាងនោះទេ ខណៈដែលនាយឧត្តមសេនីយ ជូន សុវណ្ណ ស្នងការនគរបាលរាជធានីភ្នំពេញ ក៏បានទៅដល់កន្លែងកើតហេតុផងដែរ៕ ព័ត៌មានលម្អិត Post News នឹងផ្សាយនៅពេលក្រោយទៀត៕

https://youtu.be/Byl8vn6blm8

https://youtu.be/9-yLlTWNPFA