(ភ្នំពេញ) ៖ អភិបាលខណ្ឌមានជ័យ និងជាប្រធានកិត្តិយសអនុសាខា កាកបាទក្រហមខណ្ឌមានជ័យ លោក ពេជ្រ កែវមុនី បានថ្លែងថា គ្រោះថ្នាក់ចរាចរណ៍ជាការព្រួយបារម្ភខ្លាំងជាងគេបើធៀប និងគ្រោះថ្នាក់ផ្សេងៗ។
ប្រជាពលរដ្ឋ២០គ្រួសារ នៅសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ នៅព្រឹកថ្ងៃទី ៦ខែមេសា ឆ្នាំ ២០១៦ បានទទួលការយកចិត្តទុកដាក់ពីអាជា្ញធរ គ្រាដែលអ្នកភូមិទាំងនេះកំពុងជួបបញ្ហាខ្វះខាតផ្នែកជីវភាពប្រចាំថ្ងៃ ។
អភិបាលខណ្ឌមានជ័យ និងជាប្រធានកិត្តិយសអនុសាខាកាកបាទក្រហមខណ្ឌមានជ័យ លោក ពេជ្រ កែវមុនី ព្រមជាមួយ លោក លោក ឌី រ័ត្នខេមរុណ អភិបាលរងខណ្ឌមានជ័យ និង ជាប្រធានអនុសាខាកាកបាទក្រហមខណ្ឌមានជ័យ នៅព្រឹកថ្ងៃទី៦នេះ បានផ្តល់សម្ភារ:និងថវិកាដល់ពលរដ្ឋ២០គ្រួសារ ក្នុងនោះមាន អង្ករ២៥គីឡូក្រាម មី០១កេស ត្រីខកំប៉ុង០១យួរ ទឹកត្រី០១យួរ ទឹកផ្លែឈើ ឃីតមួយកញ្ចប់ និងថវិកា ៣០,០០០រៀល ។
លោក ពេជ្រ កែវមុនី បន្តថា កាកបាទ ក្រហមកម្ពុជា ក្រោមការដឹកនាំ ដ៏ខ្ពង់ខ្ពស់ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រធានសម្ដេចតែង តែយកចិត្តទុកដាក់អំពីសុខទុក្ខ របស់ប្រជាពលរដ្ឋនៅទូទាំងប្រទេសទាំងអស់ ជាក់ស្តែងនៅថ្ងៃនេះ សម្តេចបានផ្តល់អំណោយជូន ប្រជាពលរដ្ឋ ទី ទាល់ក្រចំនួន ២០គ្រួសារចាក់អង្រែលើ ខណ្ឌមានជ័យ។
លោកបន្តទៀតថា ក្នុងនាម អនុសាខា កាកបាទក្រហមកម្ពុជាខណ្ឌមានជ័យ សូមពាំនាំនូវការសាកសួរសុខ ទុក្ខគ្រួសារទីទាល់ក្រ ចាស់ជរា ពី សំណាក់ សម្តេចកិត្តិ ព្រឹទ្ធ បណ្ឌិត ប៊ុន រ៉ានី ហ៊ុន សែន ប្រធានកាក បាទក្រហមកម្ពុជា។ ថ្វីត្បិតតែសម្ដេច មិនបានអញ្ជើញមក ផ្ទាល់ក៏ពិតមែន តែលោកតែងតែបានគិតគូរដល់សុខ និងទុក្ខពលរដ្ឋ គ្រប់ទីកន្លែង ទាំងអស់ហើយបេសកកម្មរបស់កាកបាទ ក្រហមកម្ពុជា បានដើរតួជាសំខាន់សម្រាប់ ជួយ ដល់ ប្រជាពលរដ្ឋគ្រប់រូប មិនប្រកាន់ ជាតិ សាសន៍ ពណ៌ សម្បុរនិងមិនបម្រើឲ្យនយោបាយមួយ ណាទេ៕
មតិយោបល់