ព័ត៌មានអន្តរជាតិ ព្រឹត្តិការណ៍ សំខាន់ៗ

គ្រោះរញ្ជួយដីកម្រិតខ្លាំង ៦,៣ រ៉ិចទ័រ វាយប្រហារនៅអូស្ត្រាលី

អូស្ត្រាលី: បើតាមមន្ត្រីបាននិយាយថា ករណីគ្រោះរញ្ជួយដីកម្រិតខ្លាំង ៦,៣ រ៉ិចទ័ បានវាយប្រហារភាគនិរតី កោះដាច់ស្រយាល Macquarie របស់ប្រទេសអូស្ត្រាលី ដែលមានទីតាំងក្នុងមហាសមុទ្រអង់តាក់ទិក ខណ:នេះពុំទាន់មានរបាយការណ៍បង្ហាញថា មានអ្នករងរបួស ឬការខូចខាតនៅទ្បើយទេ។ នេះបើយោងតាមរយ: សារព័ត៌មានចិនសិង្ហបុរី ចេញផ្សាយនៅថ្ងៃទី៩ ខែកញ្ញា ឆ្នាំ២០១៦។

គ្រោះរញ្ជួយដីនេះ បានវាយប្រហារក្នុងជម្រៅ ១០ គីឡូម៉ែត្រ និង ២៩ គីឡូម៉ែត្រពីកោះ ដែលស្ថិតនៅក្នុងតំបន់មហាសមុទ្រប៉ាស៊ីហ្វិក ប្រហែលជាពាក់កណ្តាលផ្លូវចន្លោះរវាងប្រទេសអូស្ត្រាលី និងមហាសមុទ្រអង់តាក់ទិក នេះបើតាមអ្នកអង្កេតការភូមិសាស្ត្រអាមេរិកបាននិយាយ។

មកទល់ពេលនេះ មិនទាន់មានសញ្ញានៃការគំរាមគំហែងពីរលកស៊ូណាមី នៅទ្បើយទេ៕

strong-6-3-magnitude-quake-strikes-off-australian-antarctic-base

មតិយោបល់