Post News Media ព័ត៌មានជាតិ ឪពុកអតីតឧកញ៉ា...

ឪពុកអតីតឧកញ៉ា សុខ ប៊ុនលោក គឹម សុខ បោះបង្គោលរំលោកយកផ្លូវសាធារណ: លោកអភិបាលបញ្ជាឲ្យរើចេញជាបន្ទាន់

ភ្នំពេញ: លោក គឹម សុខ ដែលគេស្គាល់ថា ត្រូវជាឪពុករបស់លោកឧកញ៉ា សុខ ប៊ុន បានបោះបង្គោល រំលោភយកផ្លូវសាធារណ: និងយកដីចាក់លុបប្រលាយលូមិនឲ្យទឹកហូ ដែលធ្វើផ្ទុយពីគម្រោងរបស់សាលា រាជធានីភ្នំពេញ ត្រូវបានរងការរិះគន់ពីសំណាក់ប្រជាពលរដ្ឋយ៉ាងខ្លាំង។

កាលពីថ្ងៃទី២៨ខែកក្កដា ឆ្នាំ២០១៦កន្លងមកនេះ រដ្ឋបាលរាជធានីភ្នំពេញ បានចេញសម្រេចឲ្យធ្វើការ ជុសជុល និងចាក់បេតុងផ្លូវលំមួយខ្សែកម្រាស់១៥ស.ម បណ្តោយ២,៨២០ម៉ែត្រ ទទឹង៧ម៉ែត្រ ស្ថិតនៅក្នុង ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ប្រជាពលរដ្ឋម្នាក់សុំមិនបញ្ចេញឈ្មោះ បានប្រាប់ឲ្យដឹងថា គាត់សប្បាយចិត្តណាស់នៅពេល ដែលសាលា រាជធានីភ្នំពេញ បានអភិវឌ្ឍន៍ផ្លូវលំមួយខ្សែនេះ តែត្រូវបានលោកឧកញ៉ាគឹម សុខ បោះបង្គោលរំលោភយក ផ្លូវសាធារណ:ជាង២ម៉ែត្រ និងលុបប្រព័ន្ធលូ ធ្វើឲ្យមានផលប៉ះពាល់ផ្សេងៗលើដងផ្លូវនេះ។

ខណ:ដែលទទួលបានព័ត៌មាននេះ ភ្លាមលោក ហែម ដារិទ្ធិ អភិបាលខណ្ឌពោធិ៍សេនជ័យ និងលោក សាំ ពិសិដ្ឋ នាយកមន្ទីរសាធារណ:ការ និងដឹកជញ្ជូនរាជធានីភ្នំពេញ ដឹកនាំមន្ត្រីពាក់ព័ន្ធ បានទៅចុះចុះពិនិត្យ ផ្ទាល់ និងបញ្ជាឲ្យលោកឧកញ៉ា គឹម សុខ ដកបង្គោលនោះ ចេញតាមការកំណត់របស់អាជ្ញាធរខណ្ឌ។

ក្នុងនោះ លោកឧកញ៉ា គឹម សុខ បានយល់ព្រមដកបង្គោល ដែលបោះរំលោភលេីចំណីផ្លូវចេញវិញ ដោយពុំមានការតវ៉ាឡេីយ។

ប្រជាពលរដ្ឋអបអរសាទរ និងកោតសរសេីរ ដល់លោកហែម ដារិទ្ធិ និងលោក សាំ ពិសិដ្ឋ ថាពិតជា ថ្នាក់ដឹកនាំគំរូមែន ខណ:រាស្ត្រមានទុក្ខលំបាក លោកបានស្វែងរកដំណោះស្រាយ ជូនប្រជាពលរដ្ឋទាន់ ពេលវេលាពិតប្រាកដមែន៕

%e1%9e%9a%e1%9f%86%e1%9e%9b%e1%9f%84%e1%9e%97%e1%9e%8a%e1%9e%b8