ព្រះសីហនុ:មានករណីអគ្គីភ័យ ឆេះគំនរដើមអាកាស្យា កិនរួច នៅត្រង់ចំនុចសេអុី៥ ស្ថិតក្នុងភូមិពូធឿង ឃុំបិត្រាំងស្រុកព្រៃនប់ នៅវេលាម៉ោង១៣:៣០នាទី ហើយបណ្តាលឲ្យឆេះផ្ទះប្រជាពលរដ្ឋ ៣ខ្នងទាំងស្រុង។

ប្រពភពីសមត្ថកិច្ចឲ្យដឹងថា ផ្ទះទី១ ទំហំ៤ម គុណ៥ម ជញ្ជាំងឈើប្រក់ស្បូវ ម្ចាស់ឈ្មោះថំ ខ្លូ ភេទប្រុស អាយុ៤៥ឆ្នាំមុខរបរកសិករ បាត់បង់ ប្រាក់រៀលចំនួន១០មុឺន និងសំភារៈប្រើប្រាស់ក្នុងផ្ទះមួយចំនួន។ ផ្ទះទី២ ទំហំ៤ម គុណ៥ ជញ្ជាំងឈើប្រក់ស្បូវ លាយសង្ក័សី ម្ចាស់ឈ្មោះ ពេជ្រ លន ភេទប្រុស អាយុ៤៥ឆ្នាំ មុខរបរកសិករ បាត់បង់សំភារៈប្រើប្រាស់ក្នុងផ្ទះមួយចំនួន។ ផ្ទះទី៣ ទំហំ៤ម គុណ៥ម ជញ្ជាំងឈើប្រក់ស្បូវម្ចាស់ឈ្មោះ នុប វន ភេទប្រុស អាយុ៤៧ឆ្នាំ មុខរបរកសិករ បានបាត់បង់សំភារៈប្រើប្រាស់ ក្នុងផ្ទះ១ចំនួន។

សមត្ថកិច្ចបញ្ជាក់ថា ករណីនេះបណ្តាលពី ភ្លើងឆេះព្រៃក្បែរតំបន់កើតហេតុ រងើកភ្លើងឆេះព្រៃ បានហើរ ទៅធ្លាក់លើគំនរដើមអាកាស្យា កិនរួច របស់ក្រុមហ៊ុន អេចអឹម អិនធើណាតសិនណលខូអិលធីឌី ផលិតក្តារបន្ទះ។ ហើយរងើកភ្លើង បន្តហើរទៅធ្លាក់ លើផ្ទះប្រជាពលរដ្ឋតែម្តង ។

បច្ចុប្បន្ន ដោយប្រើប្រាស់រថយន្តពន្លត់អគ្គីភ័យចំនួន៤គ្រឿង ចុះជួយអន្តរាគមន៍ទាន់ពេលពីកងរាជអាវុធហត្ថ ស្ថានភាពភ្លើងបានថយចុះបន្តិចហើយ៕