អាមេរិក: អំពើហិង្សាបានផ្ទុះទ្បើងជាបន្តនៅយប់ថ្ងៃទី២ ក្នុងទីក្រុង Charlotte នៃរដ្ឋ North Carolina សហរដ្ឋអាមេរិក ដែលជាកន្លែងក្រុមបាតុករដើរហែជាក្បួនតាមដងផ្លូវ ដើម្បីតវ៉ាប្រឆាំងការបាញ់សម្លាប់ របស់ប៉ូលិសលើបុរសស្បែកខ្មៅម្នាក់។ នេះបើយោងតាមរយ: សារព័ត៌មាន CNN ចេញផ្សាយនៅថ្ងៃទី២២ ខែកញ្ញា ឆ្នាំ២០១៦។
ជុំវិញបញ្ហានេះ បានធ្វើឲ្យអភិបាលរដ្ឋ North Carolina បានប្រកាសដាក់ទីក្រុង Charlotte ក្នុងភាពអាសន្ន។
ដំបូងទ្បើយការហែក្បួននេះ គឺធ្វើដោយសន្តិវិធី ប៉ុន្តែក្រោយមកភាពរញេរញៃបានកើតទ្បើង បណ្ដាលឲ្យមានការប៉ះទង្គិចគ្នារវាងក្រុមប៉ូលិស និងក្រុមអ្នកតវ៉ា ខណ:នោះមន្ត្រីប៉ូលិស បានបាញ់ឧស្ម័នបង្ហូរទឹកភ្នែក ដើម្បីព្យាយាមបំបែកហ្វូងមនុស្ស ក្នុងគ្រាដែលមនុស្សជាច្រើន បានវាយកម្ទេចបង្អួចហាង និងបង្កឲ្យមានភ្លើងឆេះតូចៗ នៅតាមដងផ្លូវផងដែរ៕
//youtu.be/cCdPK_QOh_g
មតិយោបល់