ព័ត៌មានអន្តរជាតិ ព្រឹត្តិការណ៍ សំខាន់ៗ

សម្ព័ន្ធមិត្តកូរ៉េខាងត្បូង និងអាមេរិក ចុះកិច្ចព្រមព្រៀងរុករកទីអវកាសរួមគ្នា

កូរ៉េខាងត្បូង: ប្រទេសកូរ៉េខាងត្បូង និងសហរដ្ឋអាមេរិក បានចុះហត្ថលេខាលើកិច្ចព្រមព្រៀង អភិវឌ្ឍន៍កិច្ចសហប្រតិបត្តិការនៅទីអវកាស ជាពិសេសការរុករកទីអវកាសឆ្ងាយបន្ថែមទៀត ដើម្បីឲ្យបច្ចេកវិទ្យា របស់ខ្លួនកាន់តែរីកចម្រើនទៅមុខ។ នេះបើតាមការចេញផ្សាយដោយស៊ិនហួ នៅថ្ងៃរសៀលពុធ ទី២៧ ខែមេសា ឆ្នាំ២០១៦។

កិច្ចព្រមព្រៀងខាងលើនេះ ត្រូវបានចុះហត្ថលេខាដោយមន្ត្រី កូរ៉េខាងត្បូង និង អាមេរិក នៅក្នុងកិច្ចប្រជុំរយ:ពេលបីថ្ងៃរវាងភាគីទាំងពីរ នៅទីក្រុងសេអ៊ូល។ លោក Yun Byung-se រដ្ឋមន្ត្រីការបរទេសកូរ៉េខាងត្បូង បានលើកឡើងថា ការរុករកទីអវកាសនេះ គឺនឹងស្ថិតនៅក្នុងគោលដៅសន្តិភាពតែប៉ុណ្ណោះ ដោយមិនមែនជាការបំផ្លាញបរិស្ថាន ឬជាការពង្រឹងវិស័យយោធានោះឡើយ។

គួរបញ្ជាក់ថា មុននឹងមានកិច្ចព្រមព្រៀងនេះកើតឡើង ទីក្រុងសេអ៊ូល និងវ៉ាស៊ីនតោន បានធ្វើការពិភាក្សាគ្នាចាប់តាំងពីឆ្នាំ២០១០ មកម្ល៉េះ ហើយក្នុងនោះប្រធានាធិបតីកូរ៉េខាងត្បូង លោកស្រី ផាក គឺហេ និង ប្រធានាធិបតីអាមេរិក បារ៉ាក់ អូបាម៉ា បានពិភាក្សាគ្នាថានឹង សម្រេចវាឲ្យបាននៅឆ្នាំ ២០១៦ នៅក្នុងកិច្ចប្រជុំកំពូលមួយកាលពីខែតុលា ឆ្នាំ២០១៦៕

photo_2016-04-27_12-10-59 photo_2016-04-27_12-11-01

មតិយោបល់