Post News Media ព័ត៌មានអន្តរជាតិ លោក Antonio G...

លោក Antonio Guterres ត្រូវបានជ្រើសតាំងធ្វើជាអគ្គលេខាធិការថ្មីនៃអង្គការសហប្រជាជាតិ

UN: បន្ទាប់ពីការសម្រេចជាឯកច្ឆន្ទរួច កាលពីថ្ងៃព្រហស្បតិ៍ ក្រុមប្រឹក្សាសន្តិសុខនៃអង្គការសហប្រជាជាតិ (UN) បានជ្រើសតាំងអតីតនាយករដ្ឋមន្ត្រីព័រទុយហ្គាល់លោក Antonio Guterres ធ្វើជាអគ្គលេខាធិការ ប្រចាំនៅ UN។ នេះបើយោងតាមរយ: សារព័ត៌មានចិនសិង្ហបុរី ចេញផ្សាយនៅថ្ងៃទី០៧ ខែតុលា ឆ្នាំ ២០១៦។

សមាជិកក្រុមប្រឹក្សាទាំង ១៥ រូប បានអនុម័តជម្រើសរបស់ពួកគេ ដោយជ្រើសរើសយកលោក Guterres ដើម្បីក្លាយជាប្រធានការទូតថ្មីរបស់ពិភពលោក និងស្នើសុំឲ្យមហាសន្និបាតគាំទ្រលោកទៀតផង។

គួរបញ្ជាក់ដែរថា មហាសន្និបាត UN នឹងត្រូវបើកអង្គប្រជុំរបស់ខ្លួន នាសប្តាហ៍ក្រោយ សម្រាប់ការតែងតាំង លោក Antonio Guterres វ័យ៦៧ឆ្នាំរូបនេះ ឲ្យក្លាយជាអគ្គលេខាធិការថ្មីផ្លូវការ របស់អង្គការ សហប្រជាជាតិ បន្ទាប់ពីលោក បាន គីម៊ូន ត្រូវផុតអណត្តិខ្លួន៕

aaportu