រុស្ស៊ីៈ អនុរដ្ឋមន្រ្តីការពារជាតិរុស្ស៊ីលោក Anatoly Antonov បានឲ្យដឹងថា ទីតាំងសរុបចំនួន ៥៨៦ កន្លែង និងផ្ទៃដីទំហំ ១២.៣៦០ គីឡូម៉ែត្រការ៉េ នៅក្នុងប្រទេសស៊ីរី ត្រូវបានរំដោះចេញពីពួកក្រុមភេរវករ Daesh និង Nusra ចាប់តាំងពីថ្ងៃទី២៧ ខែកុម្ភៈដល់ទី១ ខែកញ្ញា ឆ្នាំ២០១៦ ។

ក្នុងសេចក្ដីថ្លែងការណ៍ លោក Anatoly Antonov កាលពីថ្ងៃសុក្រ បាននិយាយទៀតថា ភេរវករប្រមាណ ៣៥.០០០ នាក់ ដោយក្នុងនោះមានទាំងភេវរករជនជាតិរុស្ស៊ីជាង២.៧០០ នាក់ និងមកពីបណ្តាប្រទេសផ្សេងទៀត ត្រូវបានសម្លាប់នៅក្នុងការប៉ះទង្គិចគ្នា ជាមួយកងកម្លាំងរដ្ឋាភិបាលស៊ីរី តាំងពីខែកុម្ភៈកន្លងមកផងដែរ នេះបើយោងតាមរបាយការណ៍កាសែត Sputnik ក្នុងទីក្រុងម៉ូស្គូ៕