Post News Media ព័ត៌មានអន្តរជាតិ ក្រុម​អ្នកគាំ...

ក្រុម​អ្នកគាំទ្រ​ជន​អន្តោប្រវេសន៍​ ​រៀប​គម្រោង​ធ្វើបាតុកម្ម​រាប់​រយ​កន្លែង​ នៅទូទាំងសហរដ្ឋអាមេរិក

អាមេរិក: កាលពីថ្ងៃសៅរិ៍ ក្រុម​អ្នក​គាំទ្រ​ជន​អន្តោប្រវេសន៍​ ​បានរៀបគម្រោង​ធ្វើ​បាតុកម្ម​រាប់​រយ​កន្លែង ​នៅ​ទូទាំង​សហរដ្ឋ​អាមេរិក​ ​ដើម្បី​តវ៉ា​ប្រឆាំងនឹងបម្រាម​​លើជន​អន្តោ​ប្រវេសន៍​ខុស​ច្បាប់​របស់​រដ្ឋបាលលោក ​ត្រាំ។ នេះបើយោងតាមសារព័ត៌មាន CNN ចេញផ្សាយនៅថ្ងៃទី១ ខែកក្កដា ឆ្នាំ២០១៨។

ក្រុម​សកម្ម​ជន​ចម្រុះ​ ដែល​មាននិន្នាការ​ឆ្វេង​និយម ​ព្រមទាំង​ក្រុម​ដែល​បានរៀបចំ​ការ​ដើរ​ក្បួន​របស់​ស្ត្រី​ដ៏​ធំមួយ កាល​ពី​២ឆ្នាំ​កន្លងទៅ​ ​កំពុងជួយ​សម្រប​សម្រួលដល់​ការ​ធ្វើ​បាតុកម្ម​ជាង​៦០០​ កន្លែង​នៅ​ទូទាំង​ប្រទេស ​ដែល​ពួក​គេ​រំពឹងទុកថា ​នឹងអាចទាក់​ទាញ​មនុស្ស​រាប់​សែន​នាក់ចូលរួមជាមួយពួកគេ។

សូមជំរាបថា បាតុកម្មនេះ ត្រូវ​បាន​រៀប​ចំ​ឡើង​នៅ​ក្នុង​ទីក្រុង​ធំៗ​ដូច​ជា ​រដ្ឋ​ធានី​វ៉ាស៊ីនតោន​ Los Angeles​ និង​ទីក្រុង​ញូយ៉ក ក៏ដូចជាសហគមន៍​តូច​ៗ​នានា​នៅ​ទូទាំង​ប្រទេស ​ក្នុងនោះរួម​មានទាំង​សហគមន៍ ​Appalachia និងតំបន់​កណ្តាល​ភាគ​ខាង​លិចប្រទេសផងដែរ៕