ចិន: សេចក្ដីរាយការណ៍មួយ បានឲ្យដឹងថា បន្ទាប់ពីសោកនាដកម្មដួលរលំអគារ បានកើតទ្បើងកាលពីព្រឹកថ្ងៃច័ន្ទ នៅទីក្រុង Wenzhou ក្នុងខេត្ត Zhejiang ភាគខាងកើតប្រទេសចិន ដែលបានបណ្ដាលឲ្យមនុស្សស្លាប់កើនឡើងដល់ ២២ នាក់ ខណ:ដែលជនរងចំនួន៦ នាក់ ត្រូវបានទាញចេញពីគំនរបាក់បែក នៅរស់រានមានជីវិត។

បើតាមការអះអាងពីអាជ្ញាធរ បានឲ្យដឹងថា ក្នុងចំណោមជនរងគ្រោះទាំងនោះ មានក្មេងស្រីអាយុ ៣ ឆ្នាំម្នាក់ នៅរស់រានមានជីវិត បន្ទាប់ពីត្រូវបានក្រុមជួយសង្គ្រោះ ទាញនាងចេញពីក្នុងគំនរអគារបាក់ស្រុត ក្រោយពីជាប់ក្នុងនោះអស់រយ:ពេល ១៤ ម៉ោង ។

គួរបញ្ជាក់ដែរថា ក្រុមអ្នកជួយសង្គ្រោះ ប្រមាណ ៨០០ នាក់ បានបញ្ចប់ប្រតិបត្តិការស្វែងរកជនរងគ្រោះ នៅម៉ោងប្រហែល ១ ទៀបភ្លឺថ្ងៃអង្គារ បន្ទាប់ពីមនុស្ស ២៨នាក់ ត្រូវបានគេទាញចេញពីគំនរបាក់បែក៕