សព២នាក់ ដែលកប៉ាល់ទេសចរណ៍វៀតណាមបុក ពេលនេះអណ្តែតឡើង

ភ្នំពេញ ៖ សេចក្តីរាយការណ៍បឋមបានឲ្យដឹងថា រហូតមកដល់ព្រឹកថ្ងៃទី១៣ ខែវិច្ឆិកា ឆ្នាំ២០១៦នេះ មនុស្ស២នាក់ដែលបានបាត់ខ្លួនក្នុងហេតុការណ៍កប៉ាល់ទេសចរណ៍វៀតណាមបុកជាមួយទូកប្រណាំងឈ្មោះ«រស្មីស្រីស្រស់ ដាញ់ទិព្វសែនជ័យ» បានអណ្តែតឡើងហើយ ដោយសពម្នាក់ត្រូវបានគេប្រទះឃើញអណ្តែតនៅក្បែរកោះរះ ស្ថិតក្នុងស្រុកល្វាឯម និងសពម្នាក់ទៀតត្រូវបានគេប្រទះឃើញអណ្តែតនៅម្តុំឃុំសិត្បូ ស្រុកស្អាង ខេត្តកណ្ដាល ។

គួររម្លឹកថា នាព្រឹកថ្ងៃទី១១ ខែវិច្ឆិកា ឆ្នាំ២០១៦ ទូកប្រណាំង១គ្រឿងឈ្មោះ «រស្មីស្រីស្រស់ ដាញ់ទិព្វសែនជ័យ» របស់រាជធានីភ្នំពេញ ត្រូវបានទូកទេសចរណ៍វៀតណាម១គ្រឿងបុកបណ្តាលឱ្យខ្ទេចខ្ទីពេញផ្ទៃទឹកទន្លេ ហើយមនុស្ស៩នាក់បានធ្លាក់ចូលទឹក ក្នុងនោះ២នាក់បានបាត់ខ្លួន និង ៧នាក់ទៀតត្រូវបានគេជួយសង្គ្រោះទាន់៕