មន្ទីរពិសោធន៍ចល័តរបស់អគ្គនាយកដ្ឋានកាំកុងត្រូល តម្លៃជាង ១សែនដុល្លារអាមេរិក ត្រូវបានដាក់សម្ពោធឲ្យប្រើប្រាស់ ជាផ្លូវការ នៅក្រសួងពាណិជ្ជកម្ម កាលពីម្សិលមិញនេះ។ នេះបើយោងតាមគេហទំព័រហ្វេសប៊ុកផ្លូវការ របស់ក្រសួងពាណិជ្ជកម្ម។
មន្ទីរពិសោធន៍នេះ ជាមន្ទីរពិសោធន៍ដំបូងបង្អស់នៅកម្ពុជា ដែលអាចធ្វើការវិភាគរកសារធាតុគីមី នៅក្នុងផលិតផល ម្ហូបអាហារ ឬបន្លែ ផ្លែឈើ នៅតាមទីផ្សារតូចធំ នឹងតាមគោលដៅត្រួតពិនិត្យដែលស្ថិតក្នុងតំបន់ឆ្ងាយៗ។
ក្រៅពីអាចចល័ត និងវិភាគរកសារធាតុគីមីបាន លទ្ធផលវិភាគ គឺរហ័សទាន់ចិត្ត ហើយមន្រ្តីជំនាញកាំកុងត្រូល អាចចាត់វិធានការ បានទាន់ពេលវេលាចំពោះទំនិញខូចគុណភាព និងផលិតផលផ្ទុកសារធាតុគីមី តាមរយ:ការដកហូតទំនិញភ្លាមៗ ឬទប់ស្កាត់មិនឲ្យធ្វើចរាចរនៅលើទីផ្សារ ក្នុងព្រះរាជាណាចក្រកម្ពុជា។
គួរបញ្ជាក់ថា មន្ទីរពិសោធន៍ចល័ត ដែលបំពាក់ក្នុងរថយន្ត Ford Transit ២០១៦ អាចផ្ទុកមន្រ្តីបាន ៥នាក់ នឹងអាចទៅគ្រប់ទីកន្លែងក្នុងព្រះរាជាណាចក្រកម្ពុជា៕
មតិយោបល់