ស៊ីរីៈ អង្គភាពកងទ័ពរដ្ឋាភិបាលស៊ីរី បានឲ្យដឹងថា ខ្លួនបានជួយការពារសុវត្ថិភាព ដល់ការចាកចេញរបស់ប្រជាជន ១.៥០០ នាក់ មកពីសង្កាត់ភាគខាងកើតនៃទីក្រុងអាឡិបប៉ូ បន្ទាប់ពីមានក្រុមគ្រួសារថ្មីៗជាច្រើន បានរៀបចំខ្លួន ដើម្បីធ្វើការចាកចេញពីសង្កាត់ ដែលកំពុងឡោមព័ទ្ធ ដោយពួកភេរវករ។ នេះបើយោងតាមរយៈ សារព័ត៌មានបរទេស ចេញផ្សាយនៅថ្ងៃទី២៨ ខែវិច្ឆិកា ឆ្នាំ២០១៦។

កងទ័ពរដ្ឋាភិបាល នៅក្នុងកិច្ចសហប្រតិបត្តិការ ជាមួយភាគី បានដឹកនាំពលរដ្ឋជាច្រើនគ្រួសារ ទៅកាន់លំនៅដ្ឋានបណ្តោះអាសន្ន។

កាលពីល្ងាចថ្ងៃសៅរ៍ ពលរដ្ឋរាប់សិបនាក់ ត្រូវបានកងទ័ព និងកងកម្លាំងប្រដាប់អាវុធគ្រឿង ជួយការពារសុវត្ថិភាព អំទ្បុងពេលចាកចេញពីតំបន់ឡោមព័ទ្ធដោយពួកភេរវករ និងដឹកពួកគេទៅកាន់តំបន់មានសុវត្ថិភាព ដោយអាជ្ញាធរ បានធ្វើការផ្តល់នូវតម្រូវការ ដែលចាំបាច់សម្រាប់អ្នកស្រុកទាំងនោះផងដែរ៕