ប៉េរូៈ តាមទីតាំងភូមិសាស្ត្ររបស់សហរដ្ឋអាមេរិក (USGS) បានឲ្យដឹងថា គ្រោះរញ្ជួយដីកម្រិត ៦,៣ វ៉ិចទ័រ បានវាយប្រហារប្រទេសប៉េរូ កាលពីថ្ងៃព្រហស្បតិ៍។ នេះបើយោងតាមរយៈ សារព័ត៌មានចិនស៊ិនហួ ចេញផ្សាយនៅថ្ងៃទី០២ ខែធ្នូ ឆ្នាំ២០១៦។

ហេតុការណ៍នេះ បានកើតទ្បើងវេលាម៉ោង ៥ និង៤០ នាទីល្ងាច (ម៉ោងក្នុងស្រុក) នៅទីតាំងចម្ងាយ ៤៣ គីឡូម៉ែត្រ ពីភាគខាងជើង និងភាគឦសាននៃ Huarichancara ជាទីក្រុងមួយ ស្ថិតនៅជិតភាគអាគ្នេយ៍ទីក្រុង Puno ។

ពាក់ព័ន្ធនឹងករណីនេះដែរ ក្រសួងសុខាភិបាលប៉េរូ បាននិយាយនៅលើគណនី Twitter ថា «សូមឲ្យប្រជាពលរដ្ឋ រក្សាភាពស្ងប់ស្ងាត់ ក្នុងអំឡុងពេលនេះ»។

រហូតមកដល់ពេលនេះ មិនទាន់មានរបាយការណ៍អំពី អ្នកស្លាប់ និងរបួសនោះទេ៕