ជប៉ុន: យោងតាមទីភ្នាក់ងារឧតុនិយមជប៉ុន នៅល្ងាចថ្ងៃពុធនេះ បានឲ្យដឹងថា គ្រោះរញ្ជួយដីបឋមមួយកម្រិត ៦,៣ រ៉ិចទ័រ បានវាយប្រហារនៅក្នុងប្រទេសជប៉ុន។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី២៨ ខែធ្នូ ឆ្នាំ២០១៦។

រញ្ជួយដីនេះ បានវាយប្រហារខេត្ត Ibaraki ភាគខាងជើងរដ្ឋធានីតូក្យូ ក្នុងជម្រៅរាក់ ១០ គីឡូម៉ែត្រ។

មកទល់ពេលនេះ មិនមានរបាយការណ៍បន្ទាន់ ជុំវិញការខូចខាត ឬអ្នករងរបួសនោះទេ បើទោះបីអ្នកស្រុក បាននិយាយថា ការរញ្ជួយដីនេះ មានកម្រិតញ័រខ្លាំងក៏ដោយ។

ទីភ្នាក់ងារ Met បានចេញផ្សាយនៅលើគេហទំព័ររបស់ខ្លួនថា រញ្ជួយដីនេះ មិនបង្កឲ្យមានហានិភ័យរលកយក្សស៊ូណាមិ ឡើយ៕