រុស្ស៊ី: កងទ័ពជើងទឹករុស្ស៊ី បាននិយាយថា ខ្លួនរំពឹងទុកគម្រោងរៀបចំធ្វើសមយុទ្ធតាមសមុទ្រ ជាមួយនឹងហ្វីលីពីន ដើម្បីជួយដល់ប្រទេសអាស៊ីអាគ្នេយ៍មួយនេះ ក្នុងការប្រយុទ្ធប្រឆាំងភេរវកម្ម និងចោរកម្ម។ នេះបើយោងតាមរយ: សារព័ត៌ចិនស៊ិនហួ ចេញផ្សាយនៅថ្ងៃទី០៤ ខែមករា ឆ្នាំ២០១៧។

តាមសេចក្តីប្រកាសកាលពីថ្ងៃអង្គារ បានធ្វើឡើងខណ:នាវារុស្ស៊ីពីរគ្រឿង ជានាវាចម្បាំង Admiral Tributs ប្រឆាំងដ្រូនក្រោមទឹក និងនាវា Boris Butoma ដឹកប្រេងក្នុងសមុទ្រ បានចូលចតនៅទីក្រុងម៉ានីល នៅក្នុងដំណើរទស្សនកិច្ចសុច្ឆន្ទ:រយ:ពេលបួនថ្ងៃ។

លោក Rear Admiral Eduard Mikhailov ជាមេបញ្ជាការរងនៃកងនាវាជើងទឹករុស្ស៊ីប្រចាំតំបន់ប៉ាស៊ីហ្វិក បាននិយាយថា ការមកដល់របស់ខ្លួន នៅក្នុងទឹកដីហ្វីលីពីន គឺរដ្ឋាភិបាលលោក នឹងពិភាក្សាគ្នាអំពីលទ្ធភាព និងពេលវេលាណាមួយ ដើម្បីយើងធ្វើសមយុទ្ធតាមសមុទ្ររួមគា្ន។

លោកបានប្រាប់នៅក្នុងសន្និសីទកាសែតមួយថា «យើងប្រាកដណាស់ថា នៅពេលអនាគតយើង នឹងទទួលបានការធ្វើសមយុទ្ធជាមួយភាគីហ្វីលីពីន»៕