អាមេរិក: ប្រធានាធិបតីអាមេរិក លោក ដូណាល់ ត្រាំ ប្រកាសតែងតាំងលោក Neil Gorsuch ទៅជាចៅក្រមតុលាការកំពូល កាលពីយប់ថ្ងៃអង្គារនៅឯសេតវិមាន ដើម្បីបំពេញកៅអីទំនេរ ចាប់តាំងពីលោកចៅក្រម Antonin Scalia បានទទួលមរណភាពកាលពីឆ្នាំមុន ដែលលោកជាចៅក្រមតុលាការកំពូលអភិរក្សនិយមអស់រយ:ពេល៣០ឆ្នាំ ។ នេះបើយោងតាមរយ: សារព័ត៌មាន CNN ចេញផ្សាយនៅថ្ងៃទី ១ ខែកុម្ភ: ឆ្នាំ២០១៧។។
លោក Gorsuch អាយុ ៤៩ ឆ្នាំ ជាចៅក្រមបណ្ដឹងឧទ្ធរណ៍សហព័ន្ធម្នាក់ មកពីរដ្ឋ Colorado ត្រូវបានលោក ត្រាំ និងគណបក្សសាធារណរដ្ឋ ផ្តល់ឱកាសឲ្យក្លាយជាចៅក្រមតុលាការកំពូលអភិរក្សនិយម សម្រាប់ទសវត្សនេះ។
ការជ្រើសរើសតាំងនេះផងដែរ គឺដើម្បីឆ្លើយតបទៅការប្រឆាំងជំទាស់ របស់ព្រឹទ្ធសភាគណបក្សប្រជាធិបតេយ្យ ដែលមានការខឹងសម្បារទៅលើការសម្រេចចិត្តរបស់គណបក្សសាធារណរដ្ឋ ពាក់ព័ន្ធនឹងការបដិសេធលើ លោក Merrick Garland សម្រាប់តំណែងនេះ ដែលត្រូវបានអតីតប្រធានាធិបតីអាមេរិក លោក បារ៉ាក់ អូបាម៉ា តែងតាំងកាលពីឆ្នាំមុន៕
មតិយោបល់