ព័ត៌មានអន្តរជាតិ

បញ្ហាជម្លោះព្រំដែនអ៊ុយក្រែន និងរុស្ស៊ី អាចមានពន្លឺ ក្រោយអាមេរិកចូលរួម

អាមេរិក: ប្រធានាធិបតីសហរដ្ឋអាមេរិកលោក ដូណាល់ ត្រាំ បានឲ្យដឹងកាលពីថ្ងៃសៅរ៍ថា អាមេរិក នឹងធ្វើការជាមួយអ៊ុយក្រែន រុស្ស៊ី និងភាគីដទៃទៀត ដែលជាប់ពាក់ព័ន្ធ ក្នុងការជួយស្តារសន្តិភាព
នៅតាមបណ្តោយព្រំដែនអ៊ុយក្រែន និងរុស្ស៊ី។ នេះបើយោងតាមសារព័ត៌មាន CNN ចេញផ្សាយនៅថ្ងៃទី៥ ខែកុម្ភ: ឆ្នាំ២០១៧។

លោកត្រាំ បានថ្លែងការណ៍នៅឯសេតវិមានថា លោកបានសន្ទនាតាមទូរស័ព្ទមួយ ជាមួយលោកប្រធានាធិបតី
អ៊ុយក្រែន Petro Poroshenko ក្នុងការពិភាក្សាអំពី ស្ថានភាពតានតឹងនៅភាគខាងកើតអ៊ុយក្រែន ដែលកាន់តែអាក្រក់
ឡើងៗ នៅប៉ុន្មានថ្ងៃចុងក្រោយនេះ ខណ:មានការរំលោភបទឈប់បាញ់ និងការរីករាលដាលបាញ់គ្រាប់រ៉ុក្កែតជាច្រើន។

ដោយឡែក លោកត្រាំ ក៏បាននិយាយជាមួយនាយករដ្ឋមន្រ្តីអ៊ីតាលីលោក Paolo Gentiloni តាមទូរស័ព្ទផងដែរ
កាលពីថ្ងៃសៅរ៍ ដើម្បីពិភាក្សាស្ដីពីការពង្រឹងកិច្ចសហប្រតិបត្តិការទ្វេភាគី លើបញ្ហាសន្តិសុខ និងប្រឆាំងភេរវកម្ម
ដើម្បីលុបបំបាត់ក្រុមរដ្ឋអ៊ិស្លាម (IS) និងអង្គការភេរវកម្មផ្សេងទៀត។

សូមជំរាបថា លោកត្រាំ នឹងចូលរួមកិច្ចប្រជុំកំពូល G៧ ក្នុងទីក្រុង Taormina ប្រទេសអ៊ីតាលី នៅខែឧសភាខាងមុខ៕

មតិយោបល់