ថៃ: ភ្ញៀវទេសចរបរទេស ០៥នាក់ ដែលបានទិញកញ្ចប់ទេសចរណ៍ពីទីក្រុងបាងកក ទៅឈៀងម៉ៃ បានត្អូញត្អែរថា ពួកគេត្រូវបានទុកចោល នៅឯស្ថានីយ៍ប្រេងមួយ នៅស្រុក Saraphi ភាគខាងជើងខេត្តឈៀងម៉ៃ ហើយថែមទាំងបានបាត់លុយ ក្នុងការតាប ៨០០០០ បាតទៀត។ នេះយោងតាមរយ:សារព័ត៌មាន Bangkok Post ចេញផ្សាយនៅថ្ងៃទី៧ ខែកុម្ភ: ឆ្នាំ២០១៧។

ប៉ូលិសបានទៅស្ថានីយ៍ប្រេងនោះ ក្រោយទទួលបានព័ត៌មានពីក្រុមភ្ញៀវទេសចរប្រាប់ថា ពួួកគេមិនសប្បាយចិត្ត និងបានដាក់ពាក្យបណ្តឹងនៅប៉ុស្ដិ៍ប៉ូលិស។

ភ្ញៀវទេសចរទាំងនោះ បានឲ្យដឹងថា មានអ្នកដំណើរប្រហែល ២០ លើរថយន្តក្រុងទេសចរណ៍ដែលខ្លួនបានជិះ ហើយរថយន្តនោះ បានឈប់បីដងមុនពេលមកដល់ស្រុក Saraphi កាលពីព្រឹកថ្ងៃច័ន្ទ ហើយបានទុកពួកគេចោលនៅស្ថានីយ៍ប្រេងមួយ។

បន្ទាប់មកអ្នកបើកបរ បានទៅបាត់ដោយគ្មាននិយាយអ្វីទាំងអស់។ រួចពួកគេបានហៅឡានតាក់ស៊ីជិះ ទើបដឹងថា លុយពួកគេជាង៨០.០០០បាត បានបាត់នៅលើឡានទេសចរនោះមកម្ល៉េះ។

អ្នកតំណាងរបស់ក្រុមហ៊ុនទេសចរនោះ បាននិយាយថា ពួកគេនឹងសងការខាតបង់
ហេតុដូច្នោះហើយភ្ញៀវបរទេសទាំង៥ នាក់នោះ បានសម្រេចចិត្តមិនបន្តបណ្តឹងទៀតទេ បើទោះបីជាយ៉ាងណាប៉ូលិសក្នុងតំបន់ បន្តស៊ើបអង្កេតក្នុងករណីនេះក៏ដោយ៕