Post News Media ព័ត៌មានអន្តរជាតិ NASA ជោគជ័យ​ក...

NASA ជោគជ័យ​ក្នុងការបាញ់​ចេញ​​​គ្រាប់រ៉ុកកែតដ៏មហាអស្ចារ្យ​ Falcon 9

អាមេរិក: ក្រុមហ៊ុន​ផលិត​យាន​អវកាស ​SpaceX ដែលជាប់​កុងត្រា​ជាមួយ​នឹង ​ទីភ្នាក់ងារ​អវកាស NASA ​របស់​អាមេរិក​បាន​បាញ់​គ្រាប់រ៉ុកកែត​ Falcon 9 សម្រាប់​ផ្ទុក​ទំនិញ​ ដែល​គ្មាន​មនុស្ស​បើក​របស់​ខ្លួន ​ដោយ​ជោគជ័យ​ពី​ក្នុង​បរិវេណ​នៃ​មជ្ឈមណ្ឌល​អវកាស​ Kennedy ​ក្នុង​ទីក្រុង​ Cape Canaveral ​រដ្ឋ ​Florida។ នេះបើយោងតាមរយ:សារព័ត៌មាន CNN ចេញផ្សាយនៅថ្ងៃទី២០ ខែកុម្ភ: ឆ្នាំ២០១៧។ ​

គ្រាប់រ៉ុកកែត​ផ្ទុក​ទំនិញ​នោះ​ កំពុង​តែ​ដឹក​ជញ្ជូន​ស្បៀង​អាហារ​ និង​សម្ភារ:​មួយ​ចំនួន​ទៅ​ឲ្យ​អវកាសយានិក​ នៅ​ឯ​ស្ថានីយ៍​យាន​អវកាស​អន្តរជាតិ។

នេះ​គឺ​ជា​បេសកកម្ម​ទី​ ១០​ នៃ​បេសកកម្ម​ទាំង​ ២០ ​ដែល​ក្រុមហ៊ុន ​SpaceX​ ជាប់​កុងត្រា​ជាមួយ​នឹង​ទីភ្នាក់ងារ​អវកាស NASA។ នេះ​គឺ​ជា​ជោគជ័យ​ទី ​១​ របស់​ក្រុមហ៊ុន​ SpaceX ​នៅ​ក្នុង​រដ្ឋ ​Florida ​ចាប់​តាំង​ពី​គ្រាប់រ៉ុកកែត​មួយ​គ្រាប់​របស់​ក្រុមហ៊ុន​នេះ ​បាន​ផ្ទុះ​កាល​ពី​ខែ​កញ្ញា ​ឆ្នាំ ​២០១៦​រួច​មក។

សូមជម្រាបថា កាល​ពី​ថ្ងៃ​ទី​១៨ ខែ​មករា ក្រុមហ៊ុន​ SpaceX ​បាន​បាញ់​គ្រាប់រ៉ុកកែត​ Falcon 9 ​មួយ​គ្រាប់​របស់​ខ្លួន​ដោយ​ជោគជ័យ​ពី​មូលដ្ឋាន​ទ័ព​ផ្លូវ​អាកាស ​Vandenberg​ នៅ​ Southern California៕