អាល្លឺម៉ង់:សេចក្តីរាយការណ៍ប្រព័ន្ធផ្សព្វផ្សាយក្នុងស្រុកបានឲ្យដឹងថា អ្នកស្លាប់បានកើនដល់ ៩នាក់ និងរងរបួសជាង ១០នាក់ផ្សេងទៀត បន្ទាប់ពីការ បាញ់ប្រហារគ្នានៅកណ្តាលផ្សារទំនើបនៅក្នុងទីក្រុង Munich ប្រទេសអាល្លឺម៉ង់។ នេះបើយោងតាមការចេញផ្សាយនៅមុននេះបន្តិច នាថ្ងៃទី២៣ កក្កដា ឆ្នាំ២០១៦នេះ។

ប៉ូលិសទីក្រុង Munich បានជំរុញឲ្យប្រជាពលរដ្ឋស្នាក់នៅផ្ទះឬកុំចេញដើរផ្តេសផ្តា សប្រយ័ត្ន
មានគ្រោះ ថ្នាក់។ ហើយករណីខាងលើនេះ មិនទាន់មានការបញ្ជាក់ថាតើបណ្តាលមក ពីមូលហេតុអ្វី ឲ្យពិតប្រាកដនៅឡើយទេ។

អ្នកនាំពាក្យរបស់ប៉ូលិសបាននិយាយថា យ៉ាងហោចណាស់ មានខ្មាន់កាំភ្លើងម្នាក់បានស្លាប់ បន្ទាប់ពីការបាញ់កាំភ្លើងតដៃជាមួយក្រុមប៉ូលិសនៅទីក្រុង Munich៕