បារាំង: ក្រុមមន្ត្រីក្នុងប្រទេស បាននិយាយថា ប៉ូលិសបារាំងបានសម្រេចចិត្តបាញ់សម្លាប់បុរសម្នាក់ បន្ទាប់ពីគាត់បានព្យាយាមដណ្តើមកាំភ្លើងពីទាហាន នៅព្រលានយន្តហោះ Orly ក្នុងទីក្រុងប៉ារីស។ នេះបើតាមសារព័ត៌មាន Channel News Asia ចេញផ្សាយនៅថ្ងៃទី១៨ ខែមីនា ឆ្នាំ២០១៧។
ហេតុការណ៍នេះ បានកើតឡើងនៅវេលាម៉ោង ៨ និង៣០នាទីព្រឹកម៉ោង (ម៉ោងក្នុងស្រុក) ដោយបុរសជនសង្ស័យ ដែលមានអាយុ ៣៩ ឆ្នាំ ត្រូវបានបាញ់សម្លាប់ដោយកងកម្លាំងសន្តិសុខ បន្ទាប់ពីបើកការវាយប្រហារ នៅក្នុងស្ថានីយភាគខាងត្បូងព្រលានយន្តហោះ។
មកទល់ពេលនេះ កងកម្លាំងជំនាញ កំពុងប្រតិបត្តិការស៊ើបអង្កេត ដោយមិនទាន់ធ្វើការបញ្ជាក់នោះទេថា វាជាអំពើភេរវកម្ម ឬយ៉ាងណាទ្បើយ។
គួរបញ្ជាក់ដែរថា អ្នកដំណើរទាំងអស់ ត្រូវបានជម្លៀសខ្លួនចេញទៅកាន់កន្លែងសុវត្ថិភាព ហើយចំណែកឯដំណើរក្នុងព្រលានវិញ ត្រូវបានផ្អាកជាបណ្តោះអាសន្ន៕
មតិយោបល់