អូស្រ្តាលី: ព្យុះស៊ីក្លូន ឈ្មោះថា Debbie ជាមួយល្បឿនខ្យល់បក់រហូតដល់ ២៥០ គីទ្បូម៉ែត្រ ក្នុងមួយម៉ោង បានវាយប្រហារនៅកោះរបស់ប្រទេសអូស្រ្តាលី ខណ:ដែលវាបានបន្តផ្លាស់គោលដៅ ឆ្ពោះទៅកាន់ ឆ្នេរសមុទ្រ Queensland ។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី២៨ ខែមីនា ឆ្នាំ២០១៧។

ពលរដ្ឋរាប់ម៉ឺននាក់ ត្រូវបានអាជ្ញាធរជម្លៀសខ្លួនចេញ ដើម្បីបញ្ចៀសពីការគំរាមគំហែង ដោយសារព្យុះស៊ីក្លូន Debbie ដែលវាត្រូវបានចាត់ទុកជាព្យុះដ៏ខ្លាំងទីបួន នៅក្នុងប្រទេស។

ព្យុះនេះ បានវាយប្រហារបំផ្លិចបំផ្លាញ នៅកោះ Whitsunday ហើយត្រូវបានគេរំពឹងថា នឹងបន្តដំណើរឈានដល់ដីគោក នៅថ្ងៃអង្គារនេះ។

នាយករដ្ឋមន្រ្តី លោក Malcolm Turnbull បានជំរុញឲ្យអ្នកស្រុក ធ្វើការចាកចេញពីផ្ទះរបស់ពួកគេភ្លាមៗ ដោយលោកបានបន្ថែមថា ប្រជាជនគួរស្វែងរកទីជំរក នៅទីតាំងខ្ពស់ ដើម្បីសុវត្ថិភាព៕