ផ្ទះ ព័ត៌មានអន្តរជាតិ យន្តហោះដ្រូនអ...

យន្តហោះដ្រូនអាមេរិក បើកការវាយប្រហារពួកសកម្មប្រយុទ្ធតាលីបង់ នៅអាហ្វហ្គានីស្ថាន

0

អាហ្វហ្គានីស្ថាន: ក្រសួងការពារជាតិក្នុងប្រទេស នៅថ្ងៃច័ន្ទនេះ បាននិយាយថា ពួកសកម្មប្រយុទ្ធតាលីបង់ចំនួន ០៥នាក់ ត្រូវបានសម្លាប់ និង ០៦នាក់ទៀតរងរបួស បន្ទាប់ពីយន្តហោះគ្មានអ្នកបើករបស់អាមេរិក បានធ្វើការវាយប្រហារលើពួកក្រុមនេះ នៅភាគខាងកើតក្រុង Maidan Shar។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី០៨ ខែឧសភា ឆ្នាំ២០១៧។

ការវាយប្រហារនេះ បានចាប់ផ្តើមធ្វើទ្បើង បន្ទាប់ពីមានការស៊ើបការណ៍ដ៏ជាក់លាក់មួយ កាលពីថ្ងៃអាទិត្យ នៅតំបន់ជុំវិញទីក្រុង Maidan Shar ចម្ងាយ ៣៥ គីឡូម៉ែត្រពី ភាគខាងកើតទីក្រុងកាប៊ុល ដែលជារដ្ឋធានី ស្ថិតនៅភាគខាងកើតខេត្ត Wardak ។

ក្នុងចំណោមអ្នកស្លាប់ទាំងនោះ គឺមានម្នាក់ឈ្មោះ Noor Aqa ជាមេដឹកនាំតាលីបង់ក្នុងស្រុក។

តាមអាជ្ញាធរ បាននិយាយថា ប្រតិបត្តិការបោសសម្អាតពួកសកម្មប្រយុទ្ធ ត្រូវបានកំណត់គោលដៅទៅលើក្រុមនេះ ហើយនឹងបន្តធ្វើទ្បើងតទៅទៀត ដើម្បីលើកកម្ពស់សន្តិសុខសាធារណ: នៅក្នុងខេត្តនេះ៕

Loading...