រុស្ស៊ី: ក្រសួងការពារជាតិវិមានក្រឹមទ្បាំង បានរាយការណ៍ថា នាវាមុជទឹករុស្ស៊ី បានទទួលជោគជ័យលើការបាញ់មីស៊ីលមួយ ចេញពីសមុទ្រ Barents នៅជិតប្រទេសន័រវែស មកកាន់ទីតាំងសាកល្បងមួយ នៅឧបទ្វីប Kamchatka ក្នុងតំបន់ Far East។ នេះបើយោងតាមសារព័ត៌មាន RT ចេញផ្សាយនៅថ្ងៃទី២៧ ខែមិថុនា ឆ្នាំ២០១៧។
នៅក្នុងសេចក្តីថ្លែងការណ៍របស់ MoU បាននិយាយថា នាវាដើរដោយថាមពលនុយក្លេអ៊ែក្នុងគម្រោង Borey ឈ្មោះ Yury Dolgoruky បានបាញ់មីស៊ីលផ្លោងអន្តរទ្វីប Bulava (ICBM) ចេញពីសមុទ្រ Barents ទៅកាន់មជ្ឈមណ្ឌលសាកល្បងមីស៊ីល Kura ក្នុងឧបទ្វីប Kamchatka ។
ការបាញ់បង្ហោះនេះ ត្រូវបានធ្វើឡើងចេញពីទីតាំងក្រោមទឹកមួយ ស្របតាមផែនការហ្វឹកហ្វឺនសមប្រយុទ្ធ។
សូមជំរាបថា កាំជ្រួចមីស៊ីល Bulava ហោះបានក្នុងរយ:កម្ពស់ ៩.៣០០គីឡូម៉ែត្រ ជាមួយនឹងចម្ងាយ ៤.៦០០ គីឡូម៉ែត្រ ដែលអាចហោះឆ្លងកាត់ស្ទើរតែទាំងអស់នៃតំបន់អាស៊ី ដែលផ្នែករបស់ប្រទេសរុស្ស៊ី ក្នុងការឆ្ពោះទៅដល់គោលដៅរបស់វា៕
មតិយោបល់