កូរ៉េ: ទូរទស្សន៍កណ្តាលកូរ៉េខាងជើង បាននិយាយថា ទីក្រុងព្យុងយ៉ាង បានបាញ់សាកល្បងមីស៊ីលផ្លោងអន្តរទ្វីប ដោយជោគជ័យ។ នេះបើយោងតាមសារព័ត៌មាន sputnik ចេញផ្សាយនៅថ្ងៃទី០៤ ខែកក្កដា ឆ្នាំ២០១៧។

ប្រធានខុទ្ទកាល័យគណ:រដ្ឋមន្ត្រីជប៉ុន លោក Yoshihide Suga បាននិយាយនៅឯសន្និសីទសារព័ត៌មានមួយថា នៅវេលាម៉ោង ៩ និង៣៩ នាទីព្រឹកថ្ងៃអង្គារនេះ កូរ៉េខាងជើង បានបាញ់មីស៊ីលមួយគ្រាប់ ដោយបានធ្លាក់ចូលទៅក្នុងតំបន់សេដ្ឋកិច្ចផ្តាច់មុខរបស់ជប៉ុន នៅសមុទ្រខាងកើត។

មីស៊ីលនេះ ជាប្រភេទ ICBM អាចហោះបានក្នុងរយ:កម្ពស់ ២.៥០០ គីទ្បូម៉ែត្រ និងចម្ងាយ ២.៨០២ គីទ្បូម៉ែត្រ ព្រមទាំងវាយប្រហារលើគោលចម្ងាយ ៩៣០ គីទ្បូម៉ែត្រ ដោយប្រើរយ:ពេល ៣៩ នាទីប៉ុណ្ណោះ។

គួរ​បញ្ជាក់ដែរថា លោក Suga បានហៅទង្វើគឃ្លើនបាញ់មីស៊ីលរបស់ក្រុងព្យុងយ៉ាងថា ជាការបង្កហេតុ និងរំលោភបំពានលើដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិ៕