អាមេរិកៈ ក្រុមមន្ត្រីក្នុងប្រទេស ​បានឲ្យដឹងថា មនុស្ស ១៦ នាក់បានស្លាប់ នៅក្នុងហេតុការធ្លាក់យន្តហោះយោធាអាមេរិក១ គ្រឿង នៅតំបន់ LeFlore ក្នុងរដ្ឋមីស៊ីស៊ីពី ។ នេះបើតាមសារព័ត៌មាន CNN ចេញផ្សាយនៅថ្ងៃទី១១ ខែកក្កដា ឆ្នាំ២០១៧។

នាយកភ្នាក់ងារ​គ្រប់គ្រង​គ្រោះអាសន្ននៃរដ្ឋមីស៊ីស៊ីពី លោក Lee Smithson បានបញ្ជាក់ថា យន្តហោះរបស់កងម៉ារីនអាមេរិក ដែលបានធ្លាក់នោះ ជាប្រភេទយន្តហោះ C-130 ដឹកឥន្ធនៈធុនស្រាល ។

ហេតុការណ៍នេះ បានកើតឡើងនៅក្នុងស្រុក ដែលប្រជាជនរស់នៅប្រហែលចំនួន ១.៦០០ នាក់ ដោយក្រុមពន្លត់អគ្គីភ័យ បានបាញ់ពន្លត់ភ្លើងឆេះលើយន្តហោះនោះផងដែរ៕