ចិនៈ តាមអាជ្ញាធរមូលដ្ឋាន នៅព្រឹកថ្ងៃសុក្រនេះ បានឲ្យដឹងថា មនុស្សពីរនាក់ ត្រូវបានគេអះអាងថាស្លាប់ និង ៥៥ នាក់ផ្សេងទៀតបានរងរបួស បន្ទាប់ពីហេតុការណ៍ផ្ទុះមួយ បានកើតឡើង នៅក្នុងភោជនីយដ្ឋានមួយកន្លែង នៅជិតបឹង West Lake នៃទីក្រុង Hangzhou ក្នុងខេត្ត Zhejiang ភាគខាងកើតប្រទេសចិន។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី២១ ខែកក្កដា ឆ្នាំ២០១៧។

ប្រភពដដែរ បានបញ្ជាក់ថា ក្នុងចំណោមអ្នករងរបួសទាំងនោះ គឺមាន ១២នាក់ កំពុងស្ថិតក្នុងស្ថានភាពធ្ងន់ធ្ងរ។

ពាក់ព័ន្ធនឹងករណីផ្ទុះនេះដែរ ខាងអាជ្ញាធរមិនទាន់បានបញ្ជាក់ទេថា វាបានកើតទ្បើងដោយសារអ្វីនៅទ្បើយនោះ៕