ហ្ស៊កដានីៈ ប្រទេសអ៊ីស្រាអែល បានប្រឈមមុខទៅនឹងសម្ពាធដ៏ខ្លាំងក្លាមួយ កាលពីថ្ងៃអាទិត្យ លើបញ្ហាសន្តិសុខដ៏តឹងរ៉ឹងបំផុត នៅកន្លែងដ៏ពិសិដ្ឋមួយ របស់ទីក្រុងយេរូសាឡឹម បន្ទាប់ពីមានជម្លោះបាញ់ប្រហារ នៅឯស្ថានទូតរបស់ខ្លួន ក្នុងប្រទេសហ្ស៊កដានី។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២៤ ខែកក្កដា ឆ្នាំ២០១៧។
ហេតុការនេះដែរ បានធ្វើឲ្យអន្តរជាតិ មានការលើកឡើងនូវក្តីបារម្ភបន្ថែមទៀត បន្ទាប់ពីភាពចលាចលរវាងអ៊ីស្រាអែល និងប៉ាឡេស្ទីន ដែលបានប្រយុទ្ធគ្នាយ៉ាងសាហាវជាទីបំផុត នៅក្នុងរយៈពេលប៉ុន្មានឆ្នាំចុងក្រោយនេះ។
ជុំវិញឧបទ្ទវហេតុបាញ់ប្រហារនេះ គឺមានបុរសជនជាតិហ្ស៊កដានីម្នាក់ ត្រូវបានសម្លាប់ និងម្នាក់ទៀតរងរបួសធ្ងន់ធ្ងរ នៅរដ្ឋធានីអមម៉ាន ប៉ុន្តែមិនទាន់ច្បាស់ទេថា វាមានជាប់ពាក់ព័ន្ធជាមួយនឹងជម្លោះអ៊ីស្រាអ៊ែល នៅជុំវិញបរិវេណទីក្រុងយេរូសាឡឹមឬយ៉ាងណាទេ។
ប៉ុន្តែហេតុការណ៍នេះ បានកើតឡើងបន្ទាប់ពីវិធានការណ៍សន្តិសុខថ្មី របស់អ៊ីស្រាអ៊ែល ត្រូវបានអនុវត្ត ដោយធ្វើការហាមឃាត់ បុរសកាន់សាសនាសអ៊ីស្លាមរាប់រយនាក់មិនឲ្យចូលទៅបួងសួង នៅខាងក្នុងវិហារដ៏ពិសិដ្ឋមួយ
របស់ទីក្រុងយេរូសាឡឹម ដែលបង្កជាអំពើហិង្សា រហូតដល់មានមនុស្សស្លាប់ ០៨ នាក់ កាលពីចុងសប្តាហ៍មុន៕
មតិយោបល់