អ៊ីរ៉ាក់: ស្ត្រីម្នាក់មានវ័យប្រហែលជា ១៨ឆ្នាំ មានស្បែកលឿង និងសក់ខ្មៅ ត្រូវបានពួកសកម្មប្រយុទ្ធ ISIS ចាប់យកមកធ្វើជាទាសករផ្លូវភេទ អស់រយ:ពេលជាច្រើនខែ នៅជំរំមួយខាងក្រៅទីក្រុង Duhok ប្រទេសអ៊ីរ៉ាក់ ដែលរូបនាងត្រូវបានសមាជិក ISIS ម្នាក់ ប្រកាសដាក់លក់។ នេះបើយោងតាមរយ: សារព័ត៌មានបរទេស ចេញផ្សាយនៅថ្ងៃទី៣០ ខែឧសភា ឆ្នាំ២០១៦។
សកម្មប្រយុទ្ធម្នាក់របស់អង្គការរដ្ឋអ៊ីស្លាម ISIS ឈ្មោះ អាប៊ូ អាសាត អាល់ ម៉ានី បានប្រកាសតាមប្រព័ន្ធបណ្តាញសង្គម Facebook កាលពីថ្ងៃទី២០ ខែឧសភា ក្នុងការលក់នារីម្នាក់ ជាទាសករផ្លូវភេទ ក្នុងតម្លៃទឹកប្រាក់ចំនួន៨០០០ដុល្លារអាមេរិក ដើម្បីយកប្រាក់ទៅផ្គត់ផ្គង់ចលនាក្រុម ISIS នៅប្រទេស៊ីរី និងអ៊ីរ៉ាក់ ដែលកំពុងទទួលរងនូវការវាយប្រហារ ពីសំណាក់សត្រូវ។
តាមរបាយការណ៍របស់អង្គការឃ្លាំមើលសិទ្ធិមនុស្ស Human Rights Watch បានឱ្យដឹងថា ក្នុងរយ:ពេលប៉ុន្មានឆ្នាំកន្លងមកនេះ ស្ត្រីនិងកុមារីប្រមាណ ១៨០០នាក់ នៅប្រទេសស៊ីរីនិងអ៊ីរ៉ាក់ ត្រូវបានក្រុម ISIS ដាក់លក់ជាទាសករផ្លូវភេទ ៕
មតិយោបល់