ផ្ទះ ព័ត៌មានអន្តរជាតិ ហ្វីលីពីន នឹង...

ហ្វីលីពីន នឹងអនុញ្ញាតឲ្យម៉ាឡេស៊ី ចូលបង្ក្រាបក្រុមចាប់ជំរិតដល់ក្នុងដែនទឹករបស់ខ្លួន

0

PUTRAJAYA៖ ប្រទេស ហ្វីលីពីន នឹងអនុញ្ញាតឲ្យអាជ្ញាធរម៉ាឡេស៊ី ចូលដល់ក្នុងដែនទឹករបស់ខ្លួន ដើម្បីដេញចាប់ក្រុមចាប់ជំរិត និងក្រុមឧទ្ទាម ដែលនេះជាផ្នែកមួយនៃលទ្ធផលកិច្ចពិភាក្សាទ្វេភាគីរវាងលោកប្រធានាធិបតីហ្វីលីពីន រ៉ូឌ្រីហ្គោ ឌូទ័រតេ និងលោក ណាជីប រ៉ាហ្សាក់ ប្រធានាធិបតី ម៉ាឡេស៊ី នៅថ្ងៃព្រហស្បតិ៍នេះ។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី១០ ខែវិច្ឆិកា ឆ្នាំ២០១៦ បានឲ្យដឹងថា ការចាប់ជំរិតនៅរដ្ឋ សាបា របស់ម៉ាឡេស៊ី បានក្លាយជាបញ្ហាអស់ជាច្រើនឆ្នាំមកហើយរវាងទំនាក់ទំនងរវាងប្រទេសទាំងពីរ។ ប៉ុន្មានថ្ងៃមកនេះ មុនពេលដំណើរទស្សនកិច្ចរបស់លោក ឌូទ័រតេ គឺមានប្តីប្រពន្ធជនជាតិអាល្លឺម៉ង់មួយគូ ត្រូវបានចាប់ជំរិតនៅក្នុងដែនទឹករដ្ឋ សាបា ដោយពួកឧទ្ទាម Abu Sayaf ដែលជាក្រុមឧទ្ទាមដែលមានមូលដ្ឋាននៅភាគខាងត្បូងប្រទេស ហ្វីលីពីន។ ការចាប់ជំរិតនោះ ក្រុមឧទ្ទាមបានសម្លាប់ជនរងគ្រោះជាប្រពន្ធផងដែរ។ នេះបើយោងតាមយោធាហ្វីលីពីន។

នៅក្នុងសន្និសីទសារព័ត៌មាន បន្ទាប់ពីកិច្ចពិភាក្សាទ្វេភាគីបញ្ចប់ លោក ណាជីប រ៉ាហ្សាក់ បាននិយាយថា «កងកម្លាំងដែនសមុទ្រ នឹងឈប់នៅពេលដែលទៅដល់ព្រំដែនជាមួយហ្វីលីពីន នៅក្នុងប្រតិបត្តិការដេញចាប់មនុស្សអាក្រក់ ដែលបញ្ហានេះ អាចនឹងឲ្យក្រុមទុច្ចរិតទាំងនោះអាចគេចខ្លួនបាន ដូច្នេះជាមួយនឹងកិច្ចព្រមព្រៀង ហ្វីលីពីន នឹងជូនដំណឹងថា យើងនឹងអាចចូលក្នុងដែនទឹកហ្វីលីពីនបាន ហើយពួកគេផ្តល់ជំនួយដល់យើងថែមទៀត»៕

11asfcdasfgh-transformed

malaysia_boat_sinking_4_18062014_620_413_100