Post News Media ព័ត៌មានអន្តរជាតិ យន្តហោះឥណ្ឌាដ...

យន្តហោះឥណ្ឌាដឹកអ្នកដំណើរ ១២២ នាក់ បានបង្វែរគោលដៅចុះចត បន្ទាប់ពីរងការគំរាមកំហែង

ឥណ្ឌា: យន្តហោះដឹកអ្នកដំណើរមួយគ្រឿង មានអ្នកជិះនៅលើវាចំនួន ១២២ នាក់ ដែលធ្វើដំណើរទៅកាន់ទីក្រុងញូវដេលី នៅថ្ងៃច័ន្ទនេះ បានផ្លាស់ប្តូរទិសដៅនៅពេលធ្វើដំណើរ បានពាក់កណ្តាលផ្លូវ បន្ទាប់ពីរងការគំរាមកំហែងមួយ។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី៣០ ខែតុលា ឆ្នាំ២០១៧។

ជើងហោះហើរយន្តហោះក្រុមហ៊ុន Jet Airways ដែលធ្វើដំណើរចេញទីក្រុងបុមបៃ ទៅរដ្ឋធានីញូវដែលី ត្រូវបានបង្វែរគោលដៅឆ្ពោះទៅកាន់ទីក្រុងអាម៉ាដាប់បាដ វិញទាំងព្រឹក បន្ទាប់ពីមានការគំរាមកំហែងផ្នែកសន្តិសុខនៅលើយន្តហោះ។

តាមរបាយការណ៍ជាច្រើន បានឲ្យដឹងថា ក្រុមអ្នកបម្រើនៅលើយន្តហោះ បានរកឃើញឯកសារមួយ ដែលបញ្ជាក់ថា យន្ដហោះនេះ ត្រូវបានគេប្លន់ ហើយក៏មិនធ្វើការចុះចតនៅក្រុងញូវដែលីតាមការកំណត់នោះទេ ជាហេតុនាំឲ្យពួកគេប្រាប់ទៅកាន់អ្នកបើកយន្តហោះឲ្យបានដឹង។

សូមជំរាបថា យន្ដហោះនេះ ដឹកអ្នកដំណើរ ១១៥ នាក់ និងសមាជិកនាវិកចំនួន ៧ នាក់ បានចុះចតប្រកបដោយសុវត្ថិភាព នៅទីក្រុងអាម៉ាដាបាដ៕

Loading...